1 Yohane 2:11 - ICIGHAN BIBILO

¹¹ U nan ker anmgbian u nan ihom yô, nan ngu ken ime shi nan zenden ken ime kpaa, nan fa henpe nan ze kpaa ga, gadia ime pir nan ashe.

1 Yohane 2:11 Iomraidhean Croise

2 Samuel 13:22

Kpa Abesalom ôr kwagh a Amnon ga, shin u dedoo shin u bo kpaa ga; gadia Abesalom kôr Amnon ihom sha ci u a hee anngô na Tamar yô.

Anzaakaa 4:19

Gbenda u mbaaferev yô, ngu er ime nahan, mba fe kwagh u vea kema nguhar sha mi ga.

Orpasenkwagh 2:14

Orfankwagh ngu a ashe sha ityough ki nan, ibumeor yô, nan zenden ken ime; nahan kpaa, m kav kwagh u tseren ve ngu di inja i môm tsô.

Levitiku 19:17

De ker anngôu ihom ken ishima you ga, venda kwagh a or u nan we ndor a we gbar gbar, de kera kper ibo sha iyol you sha ci u nan ga.

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 12:40

A pir ve ashe, shi A cighir ve asema kpaa, sha u ve̱ de nengen sha ashe ve ga yô, shi ve̱ de kaven ken ishima man ve̱ gema ishima, M̱ war ve ga.

2 Mbakorinte 3:14

Kpa i cighir asema a ve, gadia zan zan nyian je kpaa ape i lu ôron Ikuryan i Tse yô, ikondo i yisan shon la ngi her, mba bughun i sha ga, gadia ka ken Kristu i bughun i kera ye.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

2 Peteru 1:9

Gadia u nan ban a akaa ne yô, nan ngu ashe pir, nan nengen hen ikum ikum tsô, mwanger u i wanger asorabo a nan a ngise la hungul nan kera je.

1 Yohane 1:6

Aluer se kaa ser se zua a Na man se gema se zenden ken ime yô, se mba eren aie, ka mimi se eren ga.

1 Yohane 2:10

U anmgbian u nan a doo nan ishima yô, ka ken iwanger nan lu ye, ityôkwagh i nan gbev mbu nôngon ngi ken a nan je ga.

1 Yohane 2:9

U nan kaa er nan ngu ken iwanger, kpa nan gem nan ker anmgbian u nan ihom yô, nan ngu ken ime heregh.

1 Yohane 3:15

Hanma or u nan ker anmgbian u nan ihom yô, ka orwuanor je; ne fa ma orwuanor nan ngu a uma u tsôron ken a nan ga.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.

Mpase U Yohane 3:17

Gadia u ngu kaan wer, m ngee a akaa, m hingir u lun a kwagh ave kpishi, ma kwagh kera banem ga, kpa u kera fa er u gbe kera, u lu mhôônom mhôônom, u kungu ican, u pir ashe, u lu idyelegh kpaa ga.