1 Yohane 2:10 - ICIGHAN BIBILO

¹⁰ U anmgbian u nan a doo nan ishima yô, ka ken iwanger nan lu ye, ityôkwagh i nan gbev mbu nôngon ngi ken a nan je ga.

1 Yohane 2:10 Iomraidhean Croise

Upasalmi 119:165

Mba atindiakaa a Ou a doo ve ishima yô, mba a bem kpishi je, ma kwagh u nan ve gbev mbu nôngon kera ngu ga.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Mateu 13:21

kpa nan lu a mise ken iyol i nan ga, nan taver ishima ica i gba ga; kpa er mkighir u sha ican shin mtev u sha ican una moughon a nan sha ci u kwaghôron la yô, nan nôngo gbev fese je.

Mateu 18:7

Kwagh á tser tar sha ci u atôakaa a nan gbev mbu nôngon. Gadia ka u atôakaa a nan gbev mbu nôngon a a va keng, kpa kwagh á tser or u atôakaa a nan gbev mbu nôngon a va sha ikev i nan la.

YOHANE 11:9

Yesu gema kaa er: Ahwa kera nga pue kar ahar sha iyange i môm gaa? Aluer or nana zenden atetan yô, nana ta nguhar kera ga, sha ci u nan nengen a iwanger i tar ne yô.

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 8:31

Tsô Yesu kaa a Mbayuda mba ve na Un jighjigh la er: Aluer nea lu ken kwaghôron Wam zan zan yô, ne mba mbahenen Av mimi je;

Mbaromanu 14:13

Nahan yô, se kera gbaa nan ayol ase ibo tsô ga, kpa guda yô, se wa nen ken ishima ser, sé kera na anmgbian anzughul ga shin ityôikaa i nôngon gbev kpaa ga.

Mbafilipi 1:10

sha er né kar né fa akaa a a hembe lun a inja yô, nahan né lu wang né lu a acôghol a wan iyol ga sha iyange i Kristu,

2 Peteru 1:10

Nahan yô, anmgbianev, shi seer nôngon nen u taver a taver myila u i yila ne la man mtsough u i tsough ne la, gadia aluer ne er nahan yô, né kera nôngo gbev mayange ga.

1 Yohane 2:11

U nan ker anmgbian u nan ihom yô, nan ngu ken ime shi nan zenden ken ime kpaa, nan fa henpe nan ze kpaa ga, gadia ime pir nan ashe.

1 Yohane 3:14

Se yô, se fa, se due ken ku kera se nyôr ken uma sha ci u anmgbianev ve doo se ishima yô. Or u nan lu a dooshima ga yô, ka ken ku nan tem ye.