1 Yohane 1:9 - ICIGHAN BIBILO

⁹ Aluer se pase asorabo ase yô, Un ngu jighjigh man u perapera Una de se asorabo man Una wanger se aferakaa kera cii.

1 Yohane 1:9 Iomraidhean Croise

1 Utor 8:30

Man shi ver ato ungwa zamber u wanakiriki Wou, man u ior Ou Iserael, zum u vea eren msen vea ver ishigh hen ijiir ne yô; een, ungwa Sha, sha ijiir You i teman la, man zum u U ungwa yô, de se kwaghbo.

1 Utor 8:47

kpa aluer vea za hen ken asema a ve ken tar u i ze a ve uikangen la, vea gema ishima vea zamber We ken tar u mba ve ze a ve uikangen la, vea kaa er: Se er isholibo, se er kwaghbo, se er ifer;

Nehemia 1:6

Shi kegh ato, ashe Ou kpaa a̱ lu ivegher, ungwa msen u wanakiriki Wou, u m sen U nyian ne, atetan man tugh, sha ci u mbayev Ou Mbaiserael, er m lu pasen akaabo a Mbaiserael, a se er U yô; mo a ya u terem kpaa, se er U kwaghbo.

Upasalmi 19:12

Mbamtsum yô, ka an nana fatyô u kaven ve? Nam ishô sha mbamtsum mba ken myer la.

Upasalmi 32:5

M pase isholibo yam sha ishigh You, ifer yam kpaa m yer U ga, m kaa mer, me pase TER akaabo a am; tsô We U dem ibo i isholibo yam Sela.

Ekesodu 34:7

u eren a ior udubu imôngo dedoo, u deen ifer man tindi u peren man isholibo; kpa u tsahan yô, deen ga, tsahan ônov sha ci u ifer i uter kua ônov mba ônov kpaa, zan zan kov u sha utar man shi u sha unyiin kpaa.

Anzaakaa 28:13

Or u nan cir akaabo a nan yô, nana zua a iveren ga, kpa u nan pase a, shi nan undu a yô, nana zua a mhôônom ma zungwen.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Yeremia 3:13

Kpa rumun iferkwagh you er u er TER, Aôndo wou, kwaghbo, man u kaha u ze hen mbaaôndo mbagenev, shin hanma itinekon i lun a mure; man imo Yam kpaa ne kera wa iko sha mi ga, kape TER A kaa ne.

Yeremia 33:8

Me wanger ve sha ifer ve cii, i ve erem yô; Me de ve aferakaa ve cii, a ve erem la, man mper u ve per atindi a Am kpaa yô.

Ukwelegh 3:23

ve mba hegh hanma sev; jighjigh Wou gba ikôr.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Esekiel 37:23

man shi vea kera hôngor ayol a ve sha akombo a ve ga, shin sha akaa a ndôhôrshima a ve kpaa ga, shin sha ma atindi a ve a peren kpaa ga; kpa Me yima ve sha mbamhirjime vev cii mba ve er isholibo sha mi la, man Me wanger ve, nahan vea hingir ior Av, Mo kpaa Me lu Aôndo ve.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 3:6

a er ve batisema shin ifi u Yordan, ve lu pasen asorabo a ve.

Marku 1:5

Tsô tar u Yudia cii kua mba ken Yerusalem kpaa, ve due ve za her a na; a er ve batisema shin ifi u Yordan, ve lu pasen asorabo a ve.

Luka 22:57

Kpa a nyiman a kaa er: Kwase, m fa Un ga!

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

Aerenakaa A Mbaapostoli 19:18

Ior kpishi ken mba ve na jighjigh yô, ve va, ve va rumun kwaghbo ve, ve va pase aeren a ve.

Mbaromanu 3:26

Lu sha u Una tese perapera Na hen shighe u ainge ne, sha u Una lu u perapera man shi Una na mba ve lu ken jighjigh u nan ken Yesu la ishô kpaa yô.

1 Mbakorinte 1:9

Aôndo ka u jighjigh, A yila ne u lun ken mzough vea Wan Na Yesu Kristu Ter wase.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,

1 Timoteu 1:15

Kwaghôron ne ka u jighjigh, a kuma u rumun un a ishima i môm er Kristu Yesu va shin tar sha u yiman mbaasorabo, man ken ve yô, ka mo m hembe ye.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 10:23

Se kôr nen ave gbang sha mpase u ishimaverenkeghen yase, i̱ de tenger ga, gadia Un u A tende zwa a vese la yô ka u jighjigh je.

Mbaheberu 11:11

Ka sha jighjigh u nan man Sara iyol na kpaa a ngohol agee a jilen iyol ye, shin er shighe na kar nahan je kpaa, gadia a fa ken ishima er Un u A tende zwa la A lu u jighjigh yô.

Mbaheberu 6:10

Aôndo ban a perapera ga. Tom wen ua hungul Un ga, shin dooshima u ne tese sha ci u iti Na kpaa ga er ne lu eren uicighanmbaiorov tom shi ne mba eren her kpaa.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.