1 Yohane 1:8 - ICIGHAN BIBILO

⁸ Aluer se kaa ser, se mba a isholibo ga yô, se mba tsughun ayol a ase tsô, mimi yô, ngu ken a vese ga.

1 Yohane 1:8 Iomraidhean Croise

1 Utor 8:46

Aluer vea er U isholibo (gadia or u den eren isholibo nan ngu ga), man ishima ia lu vihin We a ve, Wea na ve sha ikev i mbaihomov, man vea yem a ve uikangen ken tar ve, a lu ca shin a lu ikua ikua;

2 Utor 20:15

A pine er: Ka nyi ve nenge a mi ken ya wouwe? Hesekia gema kaa er: Akaa a a lu ken ya wam cii ve nenge a mi; ma kwagh môm u a lu ken ayou am a koson ikav ker cii u m tese ga yô, ngu ga.

2 Kroniku 6:36

Man aluer vea er U isholibo (gadia or u den eren isholibo nan ngu ga), man ishima ia lu vihin We a ve, Wea na ve sha ikev i mbaihomov vev, man vea yem a ve uikangen ken tar u icaa shin u ikua ikua,

Yobu 14:4

Kpash, kwagh u wang ma a dugh ken kwagh u a lu wang ga yô! môm tsô ngu ga.

Yobu 15:14

Or ngu nyi je, u nana lu wang? Man shi u kwase a mar nan, nana lu perapera?

Yobu 25:4

Nahan á er nan man or nana lu perapera sha ishigh ki Aôndo? Shin á er nan man or u kwase a mar nan, nana lu wanger wangeraa?

Yobu 9:2

Mimi je, m fa ka nahan; kpa á er nan man or á lu a ishô her Aôndo?

Upasalmi 143:2

De er wanakiriki Wou ijir ga, gadia ma or u umace nan ngu a ishô sha ishigh You ga.

Anzaakaa 20:9

Ka anti nana fatyô u kaan er, m wanger ishima yam, m ngu wang, i wanger isholibo yam kera?

Orpasenkwagh 7:20

Gadia ma orperapera môm u shin tar u nan eren kwagh u dedoo nan eren isholibo ga, nan ngu ga.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yesaia 64:6

Se cii se hingir er or u nan wanger ga yô, perapera wase cii ngu er ikondo i hôngor nahan; se cii ka se use er kwakon nahan, aferakaa ase kpaa kar a vese kera er ahumbe nahan.

Yeremia 2:35

u kaa wer: Mo m ngu a ishô; iyugh Na kar her a mo kera je. Nenge, Me za a we sha ijir, sha ci u u kaa wer: M er isholibo ga, yô;

Levitiku 13:12

Aluer imande ia samber sha kwavyolough zan zan ia cir kwavyolough u oruange la cii, á hii sha ityough ki nan je, á ar shin angahar a nan, sha ashe a pristi er a nenge yô,

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Mbaromanu 3:10

Kape i vande ngeren je la er: Or u perapera ngu ga, môm tsô kpaa ga,

Mbaromanu 3:23

Gadia ior ca ca ve er isholibo nahan kera mba a iengem i Aôndo ga.

1 Mbakorinte 3:18

Ma or nana̱ de tsughun iyol i nan ga. Aluer anti or u ken a ven nan ngu henen er nan ngu orfankwagh ken kov u ainge ne yô, nana̱ hingir ibumeor, man nana fa kwagh ye.

Mbagalatia 6:3

Aluer ma or nana hen er nan ngu ma kwagh kpa nan gba kwagh ga yô, nan ngu tsughun iyol i nan.

1 Timoteu 6:5

man iyongo i kuren ga hen ior mba i vihi mhen ve, man mimi ve la a saa yô. Mba henen er, u civir Aôndo yô, ka gbenda u zuan a mtsera.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:13

Kpa udangmbaiorov man mbatsughunior vea yem hemen hemen vea hemba vihin a vihi kwagh. Mba tsughun ior man ve di kpaa mba gem mba tsughun ve.

Yakobu 1:22

Hingir nen mbaeren a er sha kwaghôron la, i̱ de lu mbaungwan a ungwa tseegh, tsughun ayol a en ga.

Yakobu 1:26

Aluer ma or ngu henen er nan cie Aôndo, kpa nan ker nombor u nan tsaha ga nan tsughun ishima i nan iyol i nan yô, mcieaôndo u nan la, ka gbilin tsô.

Yakobu 3:2

Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha.

2 Peteru 2:13

Vea zua a injar i ifer sha ifer i ve er la. Ishar i haan iyol atetan doo ve; ve yô, mba kwagh u côv côv man kwagh u lun afesan afesan; maa ve iyol a atseregh a ve zum u ka vea yan iniongo a ven imôngo la.

1 Yohane 1:10

Aluer se kaa ser se er isholibo ga yô, se mba yilan Un aie man shi kwaghôron Na ngu ken a vese kpaa ga.

1 Yohane 1:6

Aluer se kaa ser se zua a Na man se gema se zenden ken ime yô, se mba eren aie, ka mimi se eren ga.

1 Yohane 2:4

U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.

2 Yohane 1:2

ka sha ci u mimi u a lu ken vese la man shi una lu a vese gbem kpaa.

3 Yohane 1:3

Gadia zum u anmgbianev za va yô, ve er shiada sha mimi wou er u zenden sha mimi, nahan doom kpishi je.