1 Yohane 1:7 - ICIGHAN BIBILO

⁷ Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

1 Yohane 1:7 Iomraidhean Croise

Upasalmi 104:2

A cir iwanger iyol er ka ikondo yô, A samber Usha er ka tenti nahan;

Upasalmi 51:2

Ôôm iferkwagh yam kera ca ca, wanger mo sha isholibo yam.

Upasalmi 56:13

Gadia U yima uma wam sha ku; U yima angahar am sha gbev mbu nôngon, sha er m̱ zenden sha ishigh ki Aôndo ken iwanger i uma yô. Ngun ka sha ci u orhemen u mbawanatsam; i ver un sha ikenge i: De timin ga. Ka icam i Davidi dugh zum u a yevese Saulu a yem ken barwo la

Upasalmi 89:15

Mba ve fe imo i iember ne yô, saan ve iyol, mba zenden ken iwanger i ishigh You, TERE.

Upasalmi 97:11

Mba samber a iwanger sha ci u mbaperapera, man msaanyol sha ci u mba ve lu a ishima i mimi yô.

Yesaia 2:5

We ya u Yakob, va sé zende nen ken iwanger i TER.

Yesaia 33:24

Ma or u nan tem ker kpaa nana kera kaa er: Kwagh nyoon mo, ga; ior mba ve tem heregh kpaa, á de ve asorabo a ve.

Yesaia 6:7

a va bendem i sha zwa, a kaa er: Nenge, ngin bende u sha ityumbuzwaagh ve, nahan i tôô ibo you kera man i de u isholibo you kpaa.

Amoshi 3:3

Ior uhar vea gba zenden imôngo aluer vea vande zuan ga kpa?

Sekaria 13:1

Sha iyange la imbormnger i lun ivegher ia lu sha ci u ya u Davidi man mbateman ken Yerusalem, sha ci u isholibo man mlu u wang ga.

Mateu 6:12

man de se anzô ase di er se kpaa se deen mba ve gbe anzô hen vese la nahan;

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 5:4

Gadia ortyom u Sha senen hen ityungu la sha ashighe ashighe, a va kpianger mngerem; nahan or u nana vande hungwan shimi zum u a kpianger mngerem la yô, nan war shin nan lu a nyityô uange kpaa.]

Mbaromanu 13:12

Tugh za yum, sev sôôn aven. Nahan yô, se gbihi nen aeren a imegh kera se haa nen ikav mbi utyav mbi iwangerev iyol.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

1 Timoteu 6:16

Ka Un tseegh A lu u kpen ga ye, A tema ken iwanger i i gande u mgbôghom her yô. Ma or ngu a nenge a Na ga, á fatyô u nengen a Na kpaa ga, icivir i̱ lu i Na kua tahav kpaa gbem sha won. Amen.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 9:14

man hira awambe a Kristu, Un u A na Aôndo nagh ku lun a ihogholough mape ga, sha iyol Na sha Jijingi u tsôron, aa kera wanger imo i ken asema a en sha aeren a a lu kpenegh la, sha u eren Aôndo u uma tom ga yee?

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

1 Peteru 1:19

kpa lu sha awambe a injaa a Kristu er ka a waniyôngo u lun a acôghol iyol ga, ihogholough kpaa ga nahan.

1 Yohane 1:3

ka kwagh u se nenge man se ungwa la je se lu ôron ne kpaa ye, sha u ne kpaa, ma ne zough a vese; man mzough wase ngu vea Ter kua Wan Na Yesu Kristu kpaa.

1 Yohane 1:5

Man ngun ka loho u se ungwa her a Na ne, man shi se kaan ne kpaa ye; Aôndo ka iwanger je, ime ngi ken a Na ciôn tsô kpaa ga.

1 Yohane 5:6

Ka Un u A ve sha mnger man awambe la, ka Yesu Kristu je la. Ka sha mnger tseegh ga, kpa ka sha mnger kua sha awambe kpaa. Ka Jijingi A eren shiada ye, gadia Jijingi ka u mimi je.

1 Yohane 5:8

Man mba ve eren shiada shin tar yô, mba utar] ka Jijingi man mngerem man awambe; mba utar mban cii ve zua ken u môm.

2 Yohane 1:4

M ember kpishi gadia m kohol mbagenev ken ônov ou, mba zenden ken mimi er se zua a tindi hen Ter nahan.

3 Yohane 1:4

Aluer m ungwa, mer, mbayev av mba zenden sha mimi yô, kam iember je hemba akaa agen cii.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 12:11

Ve yô, ve hemba un sha awambe a Waniyôngo man shi sha kwaghôron u shiada ve man uma ve kpaa doo ve ishima ga zan zan ar ken ku je.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.