1 Yohane 1:5 - ICIGHAN BIBILO

⁵ Man ngun ka loho u se ungwa her a Na ne, man shi se kaan ne kpaa ye; Aôndo ka iwanger je, ime ngi ken a Na ciôn tsô kpaa ga.

1 Yohane 1:5 Iomraidhean Croise

Upasalmi 139:12

yô, ime je kpaa, ngi yeren We kwagh ga, tugh ka mbu wanger er atetan nahan, ime man iwanger ka U kwagh môm tsô.

Upasalmi 27:1

TER ka iwanger yam man myom wam kpaa, ka an je me cia? TER ka agee a uma wam, ka an je nana wam mciem iyolo?

Upasalmi 36:9

Gadia ka her a We imbor i uma i lu ye; ka ken iwanger You man se nenge a iwanger ye.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Yesaia 2:5

We ya u Yakob, va sé zende nen ken iwanger i TER.

Yesaia 60:19

Iyange ia kera lu iwanger you atetan ga; shin mte u uwer kpaa una kera lu u iwanger you ga, kpa TER Una gema á lu iwanger you i tsôron man Aôndo wou kpaa Una lu icivir you.

Daniel 2:22

Ka Un A pasen akaacimin man a ken myer ye; A fa kwagh u a lu ken ime, iwanger ngi tem a Na.

YOHANE 1:19

Man ngun ka mpase u Yohane ne, zum u Mbayuda tindi upristi man Mbalevi her a na; ve due ken Yerusalem sha u ve̱ za pine un er: We yô u ngu ana?

YOHANE 1:4

Ka ken a Na je uma a lu ye, man uma la gema lu iwanger i ior.

YOHANE 1:9

Iwanger i mimi i i wanger hanma or yô, i lu van shin tar.

YOHANE 8:12

Tsô Yesu shi gba ôron ve kwagh, kaan er: Mo M ngu iwanger i tar; or u nan dondo sha a Mo yô, nana zende ken ime ga, kpa nana lu a iwanger i uma.

YOHANE 9:5

Er M lu shin tar yô, M ngu iwanger i tar je.

1 Mbakorinte 11:23

Gadia mo yô, kwagh u m ngohol un hen Ter yô, m gema m na ne mer: Ter Yesu tôô bredi hen tugh mbu i nenge Un mker la,

1 Timoteu 6:16

Ka Un tseegh A lu u kpen ga ye, A tema ken iwanger i i gande u mgbôghom her yô. Ma or ngu a nenge a Na ga, á fatyô u nengen a Na kpaa ga, icivir i̱ lu i Na kua tahav kpaa gbem sha won. Amen.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

1 Yohane 3:11

Gadia ngun ka loho u ne ungwa sha hiihii ne: ka u ma se doo ayol a ase,

Mpase U Yohane 21:23

Kwagh gba gar la a iyange shin uwer sha u ve̱ ta ker ga, gadia iengem i Aôndo ngi wanger ker, Waniyôngo kpaa ka imenger na.

Mpase U Yohane 22:5

Tugh mbua kera ile ga, kwagh una kera gba ve a iwanger i imenger shin iyange kpaa ga, gadia Ter Aôndo Una ta iwanger sha a ve, vea tema tor gbem sha won.