1 Yohane 1:3 - ICIGHAN BIBILO

³ ka kwagh u se nenge man se ungwa la je se lu ôron ne kpaa ye, sha u ne kpaa, ma ne zough a vese; man mzough wase ngu vea Ter kua Wan Na Yesu Kristu kpaa.

1 Yohane 1:3 Iomraidhean Croise

Yobu 13:1

Nenge, ishe yam nenge kwagh ne cii, togh agh kpaa ungwa kar.

Upasalmi 2:7

Me pase awashima u TER: A kaa a Mo er: We, U ngu Wan Wam je, Mo M mar U nyian.

Upasalmi 22:22

Me pase anmgbianev av, iti You; ka ken atô u mkohol man me wuese iti You ye.

Yesaia 66:19

Me er kwagh u cieryol ker atô ve, man mba ve wer ken a ve kpaa, Me tindi ve hen akuraior, ka hen Tarshishi man Pul man Ludi, mba ve keren avaan sha ada la, man hen Tubal man Yavan, hen ityar i hen kpezegemnger i gban ca, i i lu a ungwa icivir Yam ga, man i lu a nenge iengem Yam kpaa ga la; tsô vea pase icivir Yam ken akuraior.

Numeri 10:32

Nahan aluer ú za a vese imôngo yô, mimi je, kwagh u dedoo u TER Una er se la, se kpaa sé er a we nahan.

YOHANE 17:11

Kera lun Yam shin tar ne ga, kpa mban yô, mba shin tar ne heregh; Mo yô, M ngu van hen We, Icighan Ter. Mba U nem la, kuran ve ken iti You sha u ve̱ lu kwagh môm er se nahan.

YOHANE 17:21

sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 19:35

Man un u a nenge la a er shiada sha mi, shiada na kpaa ka u mimi; a shi a fa kwagh u un kaa la ka u mimi je, sha u ne kpaa ne na jighjigh yô.

Aerenakaa A Mbaapostoli 13:32

Se yô, se mba ôron ne Loho u Dedoo u ityendezwa i i tôndo a uter la;

Aerenakaa A Mbaapostoli 13:41

Nenge nen, ne mba ne lahan ne, i̱ kpiligh ne iyol, tim nen, gadia M ngu eren tom ugen ken ayange a en; ka tom u mayange né rumun u jighjigh ga yô, shin aluer orgen nana pase ne u je kpaa.

Aerenakaa A Mbaapostoli 2:42

Tsô ve kange asema sha ityesen i mbaapostoli man ken mzoughshima, man ken mcoon u bredi, man ken msen u eren kpaa.

Aerenakaa A Mbaapostoli 20:27

Gadia ityough yuhwam sha u pasen ne awashima u Aôndo ci ca cii ga.

Aerenakaa A Mbaapostoli 4:20

Gadia se yô, se fatyô u den u ôron kwagh u se ongo man se nenge ne ga.

Mbaromanu 15:27

Doo ve man ka u ve̱ er a ve nahan kpee je, gadia aluer atôatyev zua a kwar a ve imôngo sha akaa a jijingi yô, ka u a kpaa a̱ wase ve sha akaa a iyolough kpee.

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

1 Mbakorinte 1:9

Aôndo ka u jighjigh, A yila ne u lun ken mzough vea Wan Na Yesu Kristu Ter wase.

1 Mbakorinte 15:1

Anmgbianev, m ngu pasen ne sha u fa nen Loho u Dedoo u m ôr ne, ne ngohol ne til sha mi la.

2 Mbakorinte 13:14

Mrumun u sha mhôôn u Ter Yesu Kristu man dooshima u Aôndo man mzough u Icighan Jijingi ve̱ lu sha a ven cii. Amen.

Mbaefese 3:6

er atôatyev kpaa a lu mbayandyako imôngo man iyol i môm man nongo môm a vese sha ityendezwa i ken Kristu Yesu sha Loho u Dedoo.

Mbafilipi 1:7

U me hen sha kwagh wen cii nahan yô, kam kwagh u dedoo, gadia ne mbam ken ishima, gadia ken mshirim am man shi ken mpaleghyol u Loho u Dedoo man shi mtim u i tim u la kpaa ne cii ne nyôr nongo a mo ken mrumun u sha mhôôn.

Mbafilipi 2:1

Aluer ma msurshima una lu ken Kristu, man aluer ma ishima i taver i sha dooshima ia lu, shin ma mzough u ken Jijingi una lu shin ma mhôônom ma kôron man mhôônom ma zungwen maa lu yô,

Mbafilipi 3:10

sha u ma m fe Un man agee a mnder Na u shin ku, man mzough u zuan a Na sha atsan a Na man u hingir kwagh môm a Na ken ku Na la,

Mbakolose 1:13

A yima se A due a vese ken tahav mbu imev kera A nyôr a vese ken tartor u Wan Na u doon ishima.

1 Mbatesalonika 1:10

man né keghen mhir u Wan Na Sha, u A nder Un shin mbakpenev, ka Yesu u A yem se sha iyugh i i lu van la.

1 Timoteu 6:2

Mba ve lu a uter mba nan jighjigh yô, ve̱ de lahan ve er ve mba anmgbianev vev hegen ga, kpa ve̱ hemba eren ve tom, gadia ve mba ve zough a iwasen sha mi la yô, ka mbananjighjigh man mbadoonshima. Tesen akaa ne, shi waan kwagh sha mi kpaa.

Mbaheberu 2:12

A kaa er: Me pase anmgbianev Av iti You, ka her atô u mkohol man me wa icam i civir We ye.

Mbaheberu 3:1

Nahan yô, ne uicighananmgbianev mba ne lu a kwar sha myer u a dugh Sha, u i yila ne la, ver nen ishima sha Apostoli man Zegepristi u se pase kwagh Na sha mpase u jighjigh wase u nan la cii, ka Yesu je la,

Mbaheberu 3:14

Gadia se hingir mbalun a kwar ken Kristu aluer se kôr ave gbang gbang sha imagh ki hiihii ki ishimaveren yase zan zan mkur yô.

1 Peteru 5:1

Nahan yô, m ngu taver mbatamen mba ken ven asema, mo u m lu ortamen a ve imôngo man shi orshiada u atsan a Kristu kpaa. Mo kpaa m ngu a kwar sha iengem i á va pase i la.

2 Peteru 1:16

Gadia zum u se va pase ne agee man m-ande u Ter wase Yesu Kristu la yô, kera lu sha gbenda u ukwaghhir mba i dugh a dugh sha kwaghfan la se lu zan ga, kpa se lu mba se nenge a nenge iengem Na sha ashe je.

1 Yohane 1:1

Kwagh u a lu sha hiihii la je, u se ungwa, man u se nenge sha ashe ase kpaa, man u se kenger je, ave ase kpaa bende sha mi, sha kwagh u Imo i uma la—

1 Yohane 1:5

Man ngun ka loho u se ungwa her a Na ne, man shi se kaan ne kpaa ye; Aôndo ka iwanger je, ime ngi ken a Na ciôn tsô kpaa ga.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.