1 Utor 3:3 - ICIGHAN BIBILO

³ TER doo Solomon ishima, a lu zan sha akaawan a ter na Davidi; ka di tsô er a lu sôngon iniav, nanden mbi sha ajiir a taven sha la yô.

1 Utor 3:3 Iomraidhean Croise

1 Utor 11:34

Nahan kpaa, Me ngohol tor sha ikev na kera cii ga, kpa Me taver tor na sha ayange a a lu uma cii, sha ci u wanakiriki Wam Davidi, u M tsuwa, sha ci u a wa iko sha atindi a Am kua akaawan a AM.

1 Utor 11:38

Man aluer wea ver ato sha kwagh u Me wa u cii, wea zenden sha igbenda Yam, wea eren kwagh u lun vough sha ashe Am ú waan akaawan a Am man atindi a Am iko er Davidi wanakiriki Wam lu eren nahan yô, Me lu a we, Me maa u icôronya, er lu M maa Davidi nahan, Me gema Iserael Me na u.

1 Utor 11:4

Er Solomon va bee iyol yô, kasev nav gema un ishima, a dondo mbaaôndo mbagenev; ishima na lu sha TER, Aôndo na, vough, er ishima i ter na Davidi nahan ga.

1 Utor 11:6

Nahan Solomon er kwagh u a lu u bo sha ishigh ki TER, a dondo TER jighilii, er ter na Davidi nahan ga.

1 Utor 14:23

Gadia ve maa ajiir a taven sha, shi ve tim mtôm ma awenem man Asherim sha hanma igungu u taven, man shin itine i hanma kon u lun a mure;

1 Utor 14:8

M tsuwe tor hen ya u Davidi, M na u; nahan kpaa u lu er wanakiriki Wam Davidi ga, u a wa iko sha atindi a Am, a dondom a ishima na cii, lu eren kwagh u a lu vough tseegh sha ashe Am yô;

1 Utor 15:11

Asa eren kwagh jighilii sha ashe a TER, er Davidi ter na lu er nahan.

1 Utor 15:14

Kpa i vihi ajiir a taven sha la ga; nahan kpaa ishima i Asa lu vough sha ishigh ki TER sha ayange a uma na cii.

1 Utor 15:3

A zenden sha igbenda i asorabo a ter na lu vande eren a na cii; ishima na lu jighilii sha ishigh ki TER, Aôndo na, er ishima i Davidi ter na nahan ga.

1 Utor 15:5

gadia Davidi er kwagh u jighilii sha ishigh ki TER, a undu ma kwagh u A kaa un ga, sha ayange a uma na cii, saa di sha kwagh u Uria Orhiti la tsô.

1 Utor 22:43

A zende sha gbenda u ter na Asa cii jighilii; a kaha a undu u ga, lu eren kwagh u vough sha ishigh ki TER; nahan kpaa i vihi ajiir a taven sha la ga; ior lu nan nagh ku sôngon shi lu nanden kwaghhumandoon sha ajiir a taven sha la her.

1 Utor 22:44

Yehoshafati hime iyongo a tor u Iserael.

1 Utor 3:14

Aluer ú zenden sha igbenda Yam, ú veren ishima sha akaawan a Am man sha atindi a Am, er teru Davidi lu zenden nahan yô, Me seer we ayange kpaa.

1 Utor 3:6

Tsô Solomon kaa er: U tese wanakiriki wou terem Davidi erdoo u vesen, er a lu zenden sha ishigh You sha mimi man sha perapera man sha ishima i wang a We imôngo yô, man U ver un erdoo u vesen ne, er U na un wan Wer a̱ tema sha ikônough nagh ki torough er i lu nyian nahan ne.

1 Utor 8:25

Yô, TERE, Aôndo u Iserael, wa iko sha kwagh u lu U tôndo zwa a wanakiriki Wou terem Davidi, er U kaa Wer: Ú ban a or sha ishigh Yagh u nana tema sha ikônough ki torough ki Iserael ga, aluer ônov ou vea ver ishima sha gbenda ve, vea zende sha ishigh Yagh er we u lu zenden sha ishigh Yagh nahan yô.

1 Utor 8:61

Yô, ishima yen i̱ lu vough sha ishigh ki TER, Aôndo wase, sha u zenden sha akaawan a Na man u wan atindi a Na iko er i eren nyian nahan.

1 Utor 9:4

Man we yô, aluer wea zenden sha ishigh Yagh, er teru Davidi nahan a ishima i wang man sha perapera, wea eren akaa a M kaa u cii, wea veren ishima sha akaawan a Am man ajiraôron a Am yô,

2 Utor 12:3

Kpa ajiir a taven sha yô, i vihi a kera ga, ior shi lu nan nagh her, shi ve lu nanden kwaghhumandoon sha ajiir a taven sha la.

2 Utor 12:4

Tsô Yoashi kaa a upristi er: Hanma inyaregh ki i ne icighannagh a mi cii, ki i ve a mi ken iyou i TER la, ka inyaregh ki i eren kasua a min la, inyaregh ki i we hanma or er nana̱ kimbin yô, man inyaregh ki hanma or nan ve a mi cii ken iyou i TER sha ishima i nan yô,

2 Utor 14:3

A eren kwagh u dedoo sha ishigh ki TER, kpa a ar sha ter na Davidi ga; a er kwagh u ter na Yoashi lu er la cii.

2 Utor 14:4

Nahan kpaa i vihi ajiir a taven sha la ga; ior lu nan nagh shi lu nanden kwaghhumandoon sha ajiir a taven sha la her.

2 Utor 15:35

Kpa ajiir a taven sha la, a vihi a kera ga; ior shi lu nan nagh man nanden kwaghhumandoon sha ajiir a taven sha la her. Ka un a maa hunda u iyou i TER, u sha.

2 Utor 15:4

Kpa ajiir a taven sha yô, i vihi a kera ga; ior lu nan nagh shi lu nanden kwaghhumandoon sha ajiir a taven sha la her.

2 Utor 18:22

Kpa aluer nea kaam ner: Se mba suur sha TER, Aôndo wase, yô, kera ka Un shon u Hesekia lu vihi ajiir a Na a taven sha kua atse Na a nanden nagh sha mi kera, shi a gema a kaa a Yuda kua Yerusalem er: Gure civir nen sha ishigh ki atse a ken Yerusalem ne gaa?

2 Utor 18:4

A vihi ajiir a taven sha la kera, a hembe mtôm ma awenem, a gber Asherim kera; shi a hembe iyô i togula i Mose lu er la; gadia zan zan hen shighe la je kpaa Mbaiserael lu nanden kwaghhumandoon sha ci u i; i yila i er Nehushetan.

2 Kroniku 15:17

Kpa i vihi ajiir a taven sha a hen Iserael la kera ga; nahan kpaa ishima i Asa lu jighilii sha ayange na cii.

Upasalmi 145:20

TER kor mba A doo ve ishima la cii, kpa mbaaferev yô, Una tim ve kera.

Upasalmi 31:23

TER, A̱ doo ne ishima, ne mba i doo Un a ven la cii; TER koson mbamimi, ne orgengeseyol injar i bo kpishi.

Levitiku 17:5

sha er Mbaiserael ve̱ vaan a iniav vev mbi ve senge ken toho la, sha ishigh ki TER, hen hunda u tenti u kohol ker la, hen pristi yô; ve̱ sôngo mbi ve̱ naan TER iniav mbi bem.

Mateu 22:37

Yesu kaa a na er: Ter Aôndo wou A̱ doo u ishima a ishima you cii man a uma wou cii man a mfe wou cii.

YOHANE 14:15

Aluer Mea doo ne ishima yô, né kuran atindi Am.

YOHANE 14:21

Or u nan lu a atindi Am, man nan we a iko kpaa yô, ka nan je, M doo nan ishima ye. Or u M doo nan ishima kpaa, nana doo Terem ishima; Mo kpaa nana doom ishima, man Me pase iyol Yam her a nan kpaa.

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

1 Mbakorinte 8:3

Kpa aluer Aôndo Una doo or ishima yô, nan kpaa Aôndo fa nan.

Duteronomi 10:12

Hegen yô, Iserael, ka nyi TER, Aôndo wou, A keren her a we, saa di u cian TER, Aôndo wou, tsô, man u zenden sha igbenda Na cii, man A̱ doo u ishima, man u̱ eren TER, Aôndo wou, tom a ishima you cii, man a uma wou cii,

Duteronomi 10:13

man u̱ waan atindi a TER iko kua akaawan a Na a m we u nyian ne, sha er á kpe u iyol yô.

Duteronomi 11:13

Nahan yô, aluer né ver ato sha gbashima sha atindi a M we ne nyian ne er TER, Aôndo wen, A̱ doo ne ishima, man né er Un tom a ishima yen cii man uma wen cii yô.

Duteronomi 30:16

er m lu kaan a we nyian mer: TER, Aôndo wou, A̱ doo u ishima, zenden sha igbenda Na, waan atindi a Na man akaaôron a Na a jirigh iko sha er u̱ lu uma, u̱ seer iyenge; man shi sha er TER, Aôndo wou, Una ver u doo doo ken tar u ú lu nyôron sha u za ngohol u la yô.

Duteronomi 30:20

er TER, Aôndo wou, A̱ doo u ishima, u̱ ungwan imo Na, u̱ var a Na, gadia ka uma wou man ayange ou a ngeen je la, sha er u̱ tema ken tar u TER bum a uter ou, Aberaham man Isaka man Yakob, er Una na ve u la.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

1 Samuel 9:12

Ve gema ve kaa er: Ngu her; ngula sha hemen la; yô, za nen fefa, gadia ka nyian je a nyer ken gar ye; ior mba nan nagh ku sôngon sha ijiir i taven sha nyian.