1 Utor 3:1 - ICIGHAN BIBILO

¹ Tsô Solomon kôr hur a Farao tor u Igipiti, a er wan u Farao a va lu a na ken gar u Davidi zan zan a maa ya na bee, man iyou i TER, kua gilgar u kasen Yerusalem la kpaa.

1 Utor 3:1 Iomraidhean Croise

2 Samuel 5:7

Nahan kpaa, Davidi za hemba garutya u Shion, ka gar u Davidi je la.

1 Utor 11:1

Kasev mba ken akuraior agen kpishi doo tor Solomon ishima, lu wan u tor Farao kua kasev mba Mbamoabi man Mbaamon man Mbaedom man Mbashidon kua Mbahiti;

1 Utor 2:10

Tsô Davidi yav a uter nav imôngo, i ii un ken gar u Davidi.

1 Utor 6:1

Shighe u Iserael due ken tar u Igipiti la, anyom kar deri unyiin man akunduanyiin, tsô sha inyom i sha unyiin i Solomon lu tor sha Iserael la, sha uwer u Shiv, ka uwer u sha uhar je la, a hii u maan iyou i TER.

1 Utor 7:1

Solomon maa iyou na anyom pue kar atar, tsô a maa a bee iyou na cii.

1 Utor 7:8

Iyou na i tsan ker yô, i lu hen tembe ugen u ken ijime i dwer la, m-er u i er i, lu kwagh môm a dwer la. Shi Solomon er iyou igen er dwer la nahan sha ci u wan u Farao u a er la.

1 Utor 9:1

Tsô zum u Solomon bee u maan iyou i TER kua iyou i tor, man hanma kwagh u a sar Solomon u eren cii yô,

1 Utor 9:10

Tsô anyom ikundu a Solomon maa ayou ahar la nga kar yô, ka iyou i TER kua iyou i tor je la,

1 Utor 9:24

Er Wanfarao kough hen ya u Davidi za nyôr hen iyou na i Solomon maa un la yô, maa a maa Milo je.

1 Kroniku 11:7

Tsô Davidi za tema sha garutya la; nahan maa i yilan un er, gar u Davidi.

2 Kroniku 18:1

Tsô zum u Yehoshafati lu a inyaregh man icivir kpishi yô, a ya ikar a Ahaba sha kwase u eren.

2 Kroniku 8:11

Tsô Solomon dugh Wanfarao ken gar u Davidi za wa un ken iyou i a maa un la; gadia a kaa er: Kwase wam una tema ken iyou i Davidi, tor u Iserael ga, gadia ijiir i areki u Aôndo a nyer her la, hingir icighanjiir.

Esera 5:11

Ve gema ve kaa a vese er: Se mba mbayev mba Aôndo u Sha man tar, se mba maan iyou i lu i maa i anyom kar kpishi la, i zegetor u Iserael ugen lu maa i, kure kpaa la.

Esera 9:14

nahan shi sé vihi atindi a Ou, sé zua ivese a ior mba ve eren akaahôngorough angan nahana? Nahan Ú kera yuwe a vese je, Ú tim se, man asande á kera shi ga, shin mô u waren kpaa nana kera lu ga gaa?

Duteronomi 23:8

Ônov vev mba i mar sha kov u sha utar yô, vea nyôr ken mkohol u ior mba TER.