1 Utor 2:4 - ICIGHAN BIBILO

⁴ sha u TER A̱ kure kwaghôron Na, u A ôr sha a mo la er: Aluer ônov ou vea ver ishima sha igbenda ve, sha u vea zenden sha ishigh Yagh sha mimi a asema ve cii kua uuma vev cii kpaa yô, ú ban a or u teman sha ikônough ki torough ki Iserael ga.

1 Utor 2:4 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

2 Samuel 7:25

Yô, TERE Aôndo, kwaghôron Wou u U er sha wanakiriki Wou kua ya na la, taver un gbem, er kwagh u U kaa la,

1 Utor 1:48

Shi tor kaa nahan er: I̱ wuese TER, Aôndo u Iserael, u A ne or u teman sha ikônough yagh ki torough nyian ne, m nenge sha ashe am je.

1 Utor 11:36

Wan na yô, Me na un kwe môm, sha u wanakiriki Wam Davidi a̱ lu a imenger sha ishigh Yagh gbem ken Yerusalem, gar u M tsough sha ci Wam iyol Yam sha u Me ver iti Yam ker la.

1 Utor 3:14

Aluer ú zenden sha igbenda Yam, ú veren ishima sha akaawan a Am man sha atindi a Am, er teru Davidi lu zenden nahan yô, Me seer we ayange kpaa.

1 Utor 3:3

TER doo Solomon ishima, a lu zan sha akaawan a ter na Davidi; ka di tsô er a lu sôngon iniav, nanden mbi sha ajiir a taven sha la yô.

1 Utor 6:12

Sha kwagh u iyou i u maan ne, aluer wea zaan sha akaawan a Am, wea ôron ijir sha atindi Am, man wea waan iko sha atindi Am cii, ú eren sha mi yô, Mo kpaa, Me kure kwaghôron Wam a we, u lu M ôr a teru Davidi la,

1 Utor 8:23

a kaa er: TERE, Aôndo u Iserael, ma Aôndo ugen ngu er We nahan ga, Sha kpaa ga, shin tar kpaa ga, We, u U we iko sha ikuryan man U ver ishima sha erdoo a mbayev Ou, mba ve zenden sha ishigh You a ishima i môm yô;

1 Utor 8:25

Yô, TERE, Aôndo u Iserael, wa iko sha kwagh u lu U tôndo zwa a wanakiriki Wou terem Davidi, er U kaa Wer: Ú ban a or sha ishigh Yagh u nana tema sha ikônough ki torough ki Iserael ga, aluer ônov ou vea ver ishima sha gbenda ve, vea zende sha ishigh Yagh er we u lu zenden sha ishigh Yagh nahan yô.

1 Utor 9:5

Mo kpaa Me taver ikônough you ki torough sha Iserael gbem sha won, sha ityendezwa i M tôndo a teru Davidi Mer, ú ban a or u nana tema sha ikônough ki torough ki Iserael ga la.

2 Utor 20:3

TERE, shi umbur er m zende sha ishigh You sha mimi a ishima i jighilii, shi m er akaa a dedoo sha ashe a Ou kpaa yô. Nahan Hesekia gba vaan tsung.

2 Utor 23:25

Ma tor ugen vande lun er un nahan ga, u nan gema hen TER a ishima i nan cii man uma u nan cii man agee a nan cii, sha atindi a Mose cii, er un nahan ga, ken ijime na kpaa mô mough er un nahan ga.

2 Utor 23:3

Tor tile hen ityô, a tôndo zwa sha ishigh ki TER, er una dondo TER man una waan atindi a Na iko man mbampase Nav kua akaawan a Na, a ishima na cii kua a uma na cii, una er sha akaaôron a ikuryan a i nger ken ruamabera la vough; ior ci ca cii rumun ikuryan la.

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

2 Kroniku 17:3

TER lu a Yehoshafati, gadia a lu zan sha gbenda u ter na Davidi vande zan la; a ker Ubaal ga,

2 Kroniku 6:16

Yô TERE, Aôndo u Iserael wa iko sha kwagh u lu U tôndo zwa a wanakiriki Wou terem Davidi la, er U kaa wer: Ú ban a or sha ishigh Yagh, u nana tema sha ikônough ki torough ki Iserael ga, aluer ônov ou vea ver ishima sha gbenda ve, vea zenden sha atindiakaa Am, er we u lu zenden sha ishigh Yagh nahan yô.

2 Kroniku 7:18

Mo kpaa Me taver ikônough you ki torough sha ityendezwa i M tôndo a teru Davidi Mer, ú ban a or u nan tema tor ken Iserael ga la.

Upasalmi 119:9

Ka sha nyi man wanyekwaor una wanger gbenda na? Ka sha u wan mkaanem Ou iko.

Upasalmi 37:22

Gadia mba A ver ve doo doo la, vea ya dyako u tar, kpa mba A we ve ifan la yô, á gber ve kera.

Upasalmi 37:9

Gadia á va tim aferaior kera; kpa mba ve veren ashe hen TER yô, ka ve vea ya dyako u tar ye.

Upasalmi 39:1

M kaa mer, me ver ishima sha aeren a am, sha er me er isholibo sha zwa wam ga yô; me kôron zwa wam tsaha shighe u iferor a lum sha ishi yô.

Yeremia 33:17

Gadia kape TER A kaa ne, er: Or nana ban Davidi u nana tema sha ikônough ki torough ki ya u Iserael mayange ga;

Levitiku 26:3

Aluer nea zenden ken akaawan Am, man nea waan atindi a Am iko, né eren sha mi kpaa yô,

Sekaria 14:2

Gadia Me kohol akuraior cii á va nôngo ityav a Yerusalem, á ngohol gar la, á kura akaa a ken ayou, á nzughul a kasev; vegher u gar á yem a ve uikangen; ior mba vea shi la, á tim ve ken gar la kera ga.

Mateu 22:37

Yesu kaa a na er: Ter Aôndo wou A̱ doo u ishima a ishima you cii man a uma wou cii man a mfe wou cii.

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Duteronomi 10:12

Hegen yô, Iserael, ka nyi TER, Aôndo wou, A keren her a we, saa di u cian TER, Aôndo wou, tsô, man u zenden sha igbenda Na cii, man A̱ doo u ishima, man u̱ eren TER, Aôndo wou, tom a ishima you cii, man a uma wou cii,

Duteronomi 11:13

Nahan yô, aluer né ver ato sha gbashima sha atindi a M we ne nyian ne er TER, Aôndo wen, A̱ doo ne ishima, man né er Un tom a ishima yen cii man uma wen cii yô.

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.

Duteronomi 7:12

Nahan er ne ver ato sha akaaôron a jirigh ne man ne we iko u eren sha a kpaa yô, TER, Aôndo wou kpaa, Una waan iko sha ikuryan man erdoo a we er A bum a uter ou la;

Yuda 1:24

Un u A lu a agee a Una kura ne sha u né kera nôngo gbev ga shi Una ver ne né lu a acôghol iyol ga sha ishigh ki iengem Na a iember tsung je,