1 Utor 10:2 - ICIGHAN BIBILO

² A va ken Yerusalem a ior mba va veren un, kpishi je, a urakumi mba tôôn ilyôghonov man zenaria kpishi je, kua awen a injaa. Er a va hen Solomon yô, a ôr un akaa a a lu un ken ishima cii.

1 Utor 10:2 Iomraidhean Croise

Aerenakaa A Mbaapostoli 25:23

Nahan kper nan gen yô, Agripa za va vea Berenishi a ikav mbi torov iyol gemee, ve nyôr ken iyoujir a utormbautyav mba tamen man ashagbaior a hen gar la; tsô i va a Paulu sha imo i Fesetu.

Luka 24:15

Tsô mba ngur ôron kwagh timen sha mi ayol a ve nahan yô, Yesu iyol Na va mgbôghom a ve, gba zan a ve imôngo.

Upasalmi 4:4

Nyoon nen ishima, kpa de eren nen isholibo ga; hen nen kwagh ken asema a en sha ugambe enev; lu nen ving. Sela.

Yobu 4:2

Aluer or nana nôngo u ôron kwagh a we, nahan ishima ia vihi wee? Kpa, ka an nana wa ishima nana de kwaghôrono?

2 Utor 20:13

Hesekia ungwa kwaghôron ve; a tese ve iyou na i koson akaa ker cii, azurfa man zenaria man ilyôghonov man mkurem ma injaam man iyou na i ikav mbi utyav cii, man akaa a a lu ken ayou a na a koson ikav ker cii; ma kwagh u ken ya na, shin u ken tar na cii, u Hesekia de tesen ve yô, lu ga.

2 Utor 5:9

Nahan Naaman va a anyinya na kua akeke na, va tile sha hundaya u Elisha.

2 Utor 5:5

Tsô tor u Shiria kaa er: Za ase, me tindi tor u Iserael a washika. Nahan a mough a tôô azurfa utalenti pue man zenaria ushekel dubu ataratar kua uriga pue.

1 Utor 10:10

Tsô a na tor zenaria kuma utalenti deri man ikundu, man ilyôghonov kpaa ngee kpishi kua awen a injaa; mayange je i kera shi va nyôr a ilyôghonov kpishi er mbi torkwase u Sekeba na tor Solomon la nahan ga.

Ekesodu 25:6

man mkurem sha ci u tsaren man ilyôghonov sha ci u mkurem ma shighen man kwaghhumandoon u nanden nagh a mi

Genese 18:33

Tsô TER gba yemen, zum u A kure kwaghôron na a Aberaham la. Aberaham kpaa gba hiden hen ijiir na.

1 Utor 10:3

Solomon kpaa pase un mbampin nav cii; ma kwagh môm hemba tor, u pasen un ga.

Yesaia 30:6

Mkaanem ma Aôndo sha ishôso i ken tar u Imbusutariyan la. Mba karen ken tar u ican man u nyian ishima, henpe ngôbegha man nombegha man igbinde man iyôusu i purugh ve dugh la; ve tôô inyarev sha ajime a agumajaki, man akaa a ve a injaa kpaa sha agundu a urakumi, ve yem hen ior igen i i lu ve a ma inja ga yô.

Esekiel 27:22

Mbakasuav mba Sheba man Raama, ve lu mbayamen kasua a we je; ve va yam akaa a we sha ilyôghonov mbi hemban doon anza kposo kposo, man hanma inja i awen a injaa, man zenaria.

Upasalmi 72:10

Utor mba Tarshishi man mba ken ityar i shin kpe zegemnger ve̱ va un a iwua; utor mba Sekeba man Seba kpaa ve̱ va a uiwua.