1 Timoteu 5:4 - ICIGHAN BIBILO

⁴ Kpa aluer ma kwasecôghol nana lu a ônov shin ônov mba ônov mba nan yô, ve̱ vande henen u eren a ya ve sha mcivir u i civir Aôndo la, ve̱ gema ve̱ wasen mba ve mar ve la, gadia kwagh ne ka kwagh u doon sha ishigh ki Aôndo je.

1 Timoteu 5:4 Iomraidhean Croise

Genese 47:12

Yosev koso ter na kua anngôôv nav man ior mba ter na cii, naan ve kwaghyan kuman sha iyenge i ônov vev vough.

Genese 47:28

Yakob tema ken tar u Igipiti anyom pue kar ataankarahar; nahan ayange a Yakob, anyom a uma na kuma anyom deri man akunduahar kar ataankarahar.

Yobu 18:19

Nan ngu a wan shin ma wan u wan u nan ken ityô i nan kpaa ga; ma or shi hen ajiir a nan lu tsan la kpaa ga.

Anzaakaa 31:28

Ônov mba nan ve mough, ve wuese nan ve ver nan doo doo, nom u nan kpaa, wuese nan, a kaa er:

Yesaia 14:22

Me mough Me er num a ve, kape TER u akum a Sha A kaa la, Me tim Babilon iti kera, man asande a a shi her, man wan kua wan u wan kpaa, kape TER A kaa la.

Luka 2:51

Tsô A yem a ve, A va ken Nasareti, A lu ungwan imo ve. Ngô Na kpaa koso mkaanem man cii ken ishima na.

1 Timoteu 2:3

Ka kwagh u doon man shi kwagh u á rumun un sha ishigh ki Aôndo Oryiman wase.

1 Timoteu 5:16

Aluer kwase u nan jighjigh nan ngu a kasev mba côgholov sha ikev yô, nana̱ wasen ve, i̱ de ze nongo u Kristu iyol ga, nahan nongo u Kristu ua wase mba ve lu kasev mba côgholov mimi yô.

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

Mbaajiriv 12:14

A lu a ônov akunduahar mba nomso, man shi ônov mba ônov nav mba nomso ikundugber, mba ve hendan agumajaki akunduatargber; a lu orjir u Iserael anyom anigheni.

Rutu 2:18

Tsô a tôô a nyôr ken gar; ngô u nom na nenge kwagh u a zough a mi sha twar u yaren yô; shi a va a kwagh u a ya hemba un la, a na un.

Rutu 2:2

Un Rutu, wan u Moabi la, kaa a Naomi er: Ma m ze ken ityev, ma m za yar twar u asagher a uyia hen or u mhôônom maa kôr nan a mo yô. A kaa a na er: Gba zan tsô, wan wam.