1 Timoteu 4:12 - ICIGHAN BIBILO

¹² Ma or nana̱ de lahan we er u ngu wanye ga, kpa hingir mbananjighjigh ikav sha kwaghôron man sha zende man sha dooshima man sha jighjigh u nan man mlu u wang kpaa.

1 Timoteu 4:12 Iomraidhean Croise

Sekaria 2:4

a kaa a u masen van la er: Za ayem, za ôr kwagh a wanyekwaor la, kaa wer: Yerusalem una lu er agar a lun a ugir ga nahan, sha ci mngee u ior man uzendenya mba ve lu kimi yô.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

1 Mbakorinte 11:1

Lu nen mbakaven mo er mo kpaa, m kaven Kristu nahan.

Mbafilipi 4:8

Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne.

1 Mbatesalonika 1:6

Ne hingir mbakaven se man shi Ter kpaa, gadia lu sha ican kpishi man ne rumun kwaghôron u Aôndo sha iember i Icighan Jijingi ye.

1 Mbatesalonika 2:10

Ka ne je ne lu mbashiada kua Aôndo kpaa ye, er mlu wase her a ven, ne mba ne ne jighjigh la, lu wang man perapera man a acôghol a wan iyol ga.

1 Timoteu 1:14

Kpa mrumun u sha mhôôn u Ter wase ngee gande man jighjigh u nan kua dooshima mba ve lu ken Kristu Yesu la.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:15

Nôngo sha gbashima u veren iyol you sha ishigh ki Aôndo er or u i kar nan nan kom yô, ortom u i gba u nana ya kunya ga yô, or u nan pasen kwaghôron u mimi la jighilii.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:22

Nahan yevese asaren a sha inja i mbayevikaior la, gema dondo perapera ityô, man jighjigh u nan man dooshima man bem a mbala mba ve yer iti i Ter sha ishima i wang la imôngo.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:7

Ver ikav sha kwagh u m kaa u ne gadia Ter Una na u mkav sha akaa cii.

Titu 2:15

Ôron akaa ne, waan kwagh man shi yangen kwagh sha utaha cii. Ma Or nana̱ de lahan we ga.

Titu 2:7

Lu ve ikav i tesen sha aeren a dedoo man sha ityesen i mimi man mlu u sha inja sha inja

Yakobu 3:13

Ka an ken a ven nan lu or u fan kwagh man or u kaven kwagha? Yô, nana̱ pase ase aeren a nan a sha ishima i legh legh i i lu a kwaghfan la sha zende u nan u dedoo.

Yakobu 3:17

Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.

1 Peteru 5:3

i̱ de lu er ne mba eren tahav sha kwagh u i we ne sha ikev ga, kpa lu nen ikumuile la ikav.