1 Timoteu 3:8 - ICIGHAN BIBILO

⁸ Kape udiakon kpaa ve̱ lu la, ve̱ lu ior mba mimi, ve̱ de lu mba ijô ihiar ga, ve̱ de lu mbacihin wain ga, ve̱ de lu mbaeren hua sha mtsera u keren kpaa ga,

1 Timoteu 3:8 Iomraidhean Croise

Upasalmi 12:2

Hanma or ka aie tsô nan eren a orwanndor a nan ye; sha ityumbuzwaagh i nyohon, mba er kwagh sha asema ahar.

Upasalmi 5:9

Gadia zwa ve ngu a kwagh u mimi ga; ken atô ve yô, ka ifer tsô; gôngor ve ka uwar u lun ivegher; nombor ve u leghem tsô.

Upasalmi 50:19

U er kwagh u ifer sha zwa wou, nombor wou, ngu er kwagh sha icugh.

Upasalmi 52:2

U ngu veren ishima u vihin kwagh, nombor wou ngu er atsem u esen yô, we, u u eren kwagh sha atseregh ne.

Esekiel 44:21

Ma pristi a̱ de me wain zum u una lu nyôron ken tembe u ken atô la ga.

Levitiku 10:9

Msôrom, shin ma kwaghman u taver yô, de me nen ga, we kua ônov ou kpaa, zum u nea nyôron ken tenti u kohol ker la, sha er né kpe ga yô; ka tindi u eren sha mi gbem sha ikov ikov;

Mbaromanu 3:13

Gôngor ve ka uwar u lun ivegher je, ka sha iniombor ve ve lu tsughun ior ye, megh ku iyô i bo ku ve sha ityumbujôôgh.

Mbafilipi 1:1

Paulu man Timoteu ikpan i Kristu Yesu mba sughun uicighanmbaiorov ken Kristu Yesu, mba ve lu ken Filipi vea mbakuran kua udiakon kpaa.

1 Timoteu 3:12

Udiakon ve̱ lu ior mba lun a kwase môm môm, ve̱ nengen sha ônov vev dedoo kua sha uya vev kpaa.

1 Timoteu 3:2

Orkuran yô, ka u nana̱ lu a acôghol a wan iyol ga keng je, nana̱ lu or u kwase môm, man or u kundun ishima, man or u tsev tsev, man or u eren kwagh sha inja, man or u eren dedoo a mbavannya, man or u fan ityesen kpaa.

1 Timoteu 3:3

Nana̱ de lu or u cihin msôrom ga, nana̱ de lu or u cihin num kpaa ga, kpa nana̱ lu or u lun inja legh legh, nana̱ de lu or u hiin iyongo ga, shin u eren hua sha inyar kpaa ga.

1 Timoteu 5:23

De kera me mngerem tseegh ga, maan wain côhin côhin kpaa sha ci u iyav ou kua ukorkor mba ve kenden we ken iyol sha ashighe ashighe la.

Titu 1:7

Orkuran yô, ka or u nengen sha ya u Aôndo, ka u nana̱ lu a acôghol iyol ga keng je shin or u norom ikaa shin or u yuwen fefa shin or u cihin msôrom shin or u cihin num shin or u keren mtsera u dang kpaa ga,

Titu 2:3

Kape kasev mba tamen kpaa ve̱ lu la, mlu ve a̱ kuma icivir, ve̱ de eren angereke ga, ve̱ de lu mba msôrom ma ye tor sha a ve ga, kpa ve̱ tesen akaa a dedoo.

Yakobu 3:10

Ka ken zwa shon môm môm man iwuese ka i due kua shi ifan i wan kpaa ye. Anmgbianev av, doo u kwagh ne a̱ lu nahan ga.

1 Peteru 5:2

Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je;