1 Timoteu 3:3 - ICIGHAN BIBILO

³ Nana̱ de lu or u cihin msôrom ga, nana̱ de lu or u cihin num kpaa ga, kpa nana̱ lu or u lun inja legh legh, nana̱ de lu or u hiin iyongo ga, shin u eren hua sha inyar kpaa ga.

1 Timoteu 3:3 Iomraidhean Croise

Anzaakaa 1:19

Kape igbenda i hanma or u yan mtsera u bo i lu la; ka a ngohol uma u mba ve lu a mi la kera.

Anzaakaa 15:27

Or u nan ye mtsera u bo yô, ka nan nzughul a ya u nan, kpa or u nan vende inyaregh ki yamen ishô la yô, nana lu uma.

Orpasenkwagh 7:8

Guda mkur u kwagh a mhii na; orwanshima hemba doon a orimangeregh.

Yesaia 28:1

Kwagh á tser idyer i tor i gengeseyol i mbahundenmsôrom mba Eferaim man imondon u usen kera, u mdooashe na u tsung la, u a lu sha ityough ki pev u doon sule yum, u mba wain a gbihi ve inya la!

Yesaia 28:7

Mban kpaa ve hingir mee sha zar u wain man zemba ze zemba sha msôrom ma yuwan; pristi kua profeti ve hingir mee sha msôrom ma yuwan, wain nzughul a ve, ve hingir zemba ze zemba sha msôrom ma yuwan; mpase u sha mnenge kera wanger ve ga, mba nôngon gbev sha ijirôron.

Yeremia 6:13

Gadia hii sha u kiriki zan zan ar sha u vesen, hanmô ve cii maa nan iyol sha mtsera u dang; man hii sha profeti zan zan ar sha pristi, hanmô ve cii, nan ngu eren kwagh sha icugh.

Yeremia 8:10

Nahan Me gema kasev vev Me na ior mbagenev, ishule ve kpaa Me na mba ve hembe ve ityav yô; gadia hanmô ve cii, hii sha u kiriki zan zan ar sha u vesen, maa ve iyol sha mtsera u dang; man hii sha profeti zan zan ar sha pristi kpaa, hanmô ve cii, nan ngu eren kwagh sha icugh.

Esekiel 44:21

Ma pristi a̱ de me wain zum u una lu nyôron ken tembe u ken atô la ga.

Levitiku 10:9

Msôrom, shin ma kwaghman u taver yô, de me nen ga, we kua ônov ou kpaa, zum u nea nyôron ken tenti u kohol ker la, sha er né kpe ga yô; ka tindi u eren sha mi gbem sha ikov ikov;

Mika 2:11

Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 3:5

Kape TER A ôr sha kwagh u uprofeti mba ve ne ior Av icumen la, mba zum u ka vea nyuma kwagh sha anyi a ve, ve genger imo er: Bem; kpa u nan we ve kwaghyan ken zwa ga la, ve gema ve suwe ityav a nan.

Malaki 1:10

Or ma nan lu ase ken a ven u nana wuhe ihinda sha u né de kera keer usu sha atse Am a nan nagh sha mi la gbilin ga yô! Doom a ven ga, kape TER u akum a Sha A kaa ne, Me ngohol nagh ku sha ave a en la ga.

Mateu 21:13

A kaa a ve er: I nger er: Á yila iyou Yam er iyou i msen; kpa ne yô, ne gema a mi, hingir bar u mbanumunior.

Aerenakaa A Mbaapostoli 20:33

M tôm azurfa u or ga, shin zenaria shin akondo a nan kpaa ga;

Mbaromanu 16:18

Gadia ambaaior la yô, ka Ter wase Kristu ve eren Un tom ga kpa ka iyav vev ve eren mbu tom ye. Ka sha zwanyohon man zwaovon ve lu tsumen a asema a mbakavenkwagh ga la ye.

Mbaefese 5:18

De hundu nen msôrom ga, dang ngu keregh, kpa iv nen a Jijingi.

1 Mbatesalonika 5:14

Anmgbianev, se mba taver ne asema ser, wa nen mba ve eren nzughul nzughul mbala kwagh, taver nen mba ve yen ishima la asema, wasen nen mba ve taver ga yô, waan nen ishima a ior cii.

1 Timoteu 3:8

Kape udiakon kpaa ve̱ lu la, ve̱ lu ior mba mimi, ve̱ de lu mba ijô ihiar ga, ve̱ de lu mbacihin wain ga, ve̱ de lu mbaeren hua sha mtsera u keren kpaa ga,

WASHIKA U SHA UHAR U PAULU APOSTOLI TINDI HEN TIMOTEU - 2TI 3:2

Gadia ior vea hingir mbawan ayol a ve iko tseegh man mba inyaregh ki doo ve ishima man mbahagher sha akaa man mbagengeseyol man mbaôron kwagh dang dang, man mbahemban mbamaren vev ato man mbalun a ishughun ga man mbalun wang ga,

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

Titu 1:7

Orkuran yô, ka or u nengen sha ya u Aôndo, ka u nana̱ lu a acôghol iyol ga keng je shin or u norom ikaa shin or u yuwen fefa shin or u cihin msôrom shin or u cihin num shin or u keren mtsera u dang kpaa ga,

Titu 2:3

Kape kasev mba tamen kpaa ve̱ lu la, mlu ve a̱ kuma icivir, ve̱ de eren angereke ga, ve̱ de lu mba msôrom ma ye tor sha a ve ga, kpa ve̱ tesen akaa a dedoo.

Titu 3:2

ve̱ de er kwagh u dang sha ma or ga, ve̱ de lu mbanôngonnum ga, ve̱ lu a ishima i legh legh ve̱ hide a ayol a ve ijime hen ior cii.

Mbaheberu 13:5

Inyaregh ki saren ki̱ de luun ken uma wen ga. Kwagh u ne lu a mi yô, a̱ kuma ne, gadia A kaa er: Mayange Me undu u ga, Me kende u kpaa ga.

Yakobu 4:1

Ka han man ityav mbi dugh ken a vene? Man shi ka han man iniumsuwen kpaa i dugh hen a vene? Kera ka sha asaren a en a a lu nôngon num ken alegh a en la gaa?

1 Peteru 5:2

Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je;

2 Peteru 2:3

Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

Yuda 1:11

Kwagh á tser ve, gadia mba zenden sha gbenda u Kain, imeen i injar i Balaam la i hemba ve, ve tim sha mhendan u Koraki la.

Mpase U Yohane 1:9

Mo Yohane, anmgbian wen u m lu a kwar a ven imôngo sha atsan a yan man sha tartor man sha ishima i taver ken Yesu, m lu ken icile i i yer er Patemo la, sha ci u mkaanem ma Aôndo man sha ci u shiada u Yesu.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.