1 Timoteu 2:9 - ICIGHAN BIBILO

⁹ Shi sarem pe kasev di kpaa ve̱ wuhan ayol a ve daalaa, i̱ lu sha kwaghfan man akuma akuma kpaa, i̱ de lu sha gbatyou u gban, shin sha zenaria shin sha utagbede shin sha akondo a taver ishe kpaa ga,

1 Timoteu 2:9 Iomraidhean Croise

Genese 24:53

Nahan wanakiriki la maa dugh inyarev mbi hweev mbi azurfa man mbi zenaria kua akondo kpaa, na Rebeka; shi a na anngô na kua ngô na iwua sha ikav mbi injaav.

2 Utor 9:30

Er Yehu va ken Yesereel yô, Yesebel ungwa nahan; nahan a wa tojir sha ashe, shi a kange ityough kpaa, a gbir ashe hen ian i iyoughough.

Eseter 5:1

Tsô, sha iyange i sha utar la, Eseter haa akondo a na a tor, za tile ken tembe u ken atô u ya u tor, sha ishigh ki tor; yô, tor tema sha ikônough ki torough ken iyou i tor, ver ishigh vegher u sha hunda u iyoughough.

Upasalmi 149:4

Gadia doo TER a ior Nav, Una wuha mbaasemaleghlegh iyol sha myom.

Anzaakaa 31:22

Ka nan er kwagh u nan u haan sha gambe, akondo a nan kpaa a lu a pupuu a kôngor man a nyian dindee.

Anzaakaa 31:25

Tahav kua icivir ka ikondo i nan je; ka nan seen iyange i i lu van ken hemen la kpaa.

Anzaakaa 7:10

Nenge, kwase ugen za va, va kohol un a akondo a agbaga iyol, u lun a ishima i ayomough.

Yesaia 3:16

Shi TER kaa er: Er ônkasev mba Shion ve te ihagh, ve zenden ve dughun imon ve, ve nyiar ashe, mba zenden zende ve, eren iyar, uvan ahye shin angahar a ve,

Yesaia 61:4

Vea maa ayou a i vihi a ngise hingir atse la, vea hide á kor ajiir a ngise i yôhôl a la, vea sôr agar a i yôhôl a, a a lu atse ikov kar imôngo la.

Yeremia 2:32

Iniunkwase á fatyô u hungul ikav nav mbi hweev je, shin kwasehe una hungul kwange na u sha hwe je kpa? Nahan kpaa ior Av je kera umbur Mo ga, ayange gande u ôron.

Yeremia 4:30

We u i sar u kera ne, ka nyi u eren ne, er u haa akondo a murufu man u wuha iyol sha ikav mbi zenaria, man u wa tojir sha ashe ou; gbilin je u eren iyol you hwe ye; mbadoon we ishima laha u kera, ve gema mba keren uma wou.

Mateu 11:8

Man ne za ner, né nenge nyi? Ka or u haan akondo a ver vere? Yô, nenge, mba ve hee akondo a ver ver yô, mba ken uya mba utor.

1 Timoteu 2:10

kpa i̱ lu sha aeren a dedoo er i kom u kasev mba ve kaa er ve mba cian Aôndo mimi vea er yô.