1 Timoteu 2:4 - ICIGHAN BIBILO

⁴ Sar Un u ior cii ve̱ war ve̱ ar sha mfe u fan mimi la.

1 Timoteu 2:4 Iomraidhean Croise

Yesaia 45:22

Gema nen her a Mo, i̱ yima ne, ne akighir a tar cii; gadia M ngu Aôndo, mô ugen kpaa ngu ga.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 55:1

Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

Esekiel 18:23

Ku u iferor doomoo? Kape Ter AÔNDO A kaa ne; kera sarem er ma nan gem ishima ma nan undu gbenda u nan, ma nan zough a uma gaa?

Esekiel 18:32

Gadia saan Mo iyol a ku u or u nan kpe la ga, kape Ter AÔNDO A kaa ne; nahan yô, gema nen asema lu nen uma.

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Habaku 2:14

Gadia tar ua mgbough a mfe u iengem i TER, er mngerem ma ngee ma cir zegemnger nahan.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Luka 1:77

man shi sha u nan nongo Na kwaghfan sha u fan myom u sha mde u á de ve asorabo a ve yô,

Luka 14:23

Ter la kaa a wanakiriki la er: Za ken uigbudu man indyoor za za ve iyol, ve̱ nyôr, sha u ya wam a̱ iv yô.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 17:17

Tsegha ve ken mimi, ka kwaghôron Wou je a lu mimi ye.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

Mbaromanu 11:14

ka sha u nan ityô yam iwuhe i gban sha kwagh ne, i̱ yima mbagenev ken ve.

1 Timoteu 4:10

Ka sha kwagh ne se lu eren tom tsung se lu nôngon sha ican kpaa ye: ka er se ver asema ase se lu keghen Aôndo u uma u A lu Oryiman u ior cii la, jim yô, ka u mbananjighjigh.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:25

nana̱ kôôm mbahendan kwagh a nan sha ishima i legh legh. Alaghga Aôndo Una na ve mgemshima vea kav mimi,

WASHIKA U SHA UHAR U PAULU APOSTOLI TINDI HEN TIMOTEU - 2TI 3:7

Mba henen ityesen gbem kpa mba fan ityô u aren sha mfe u vea fa mimi la ga.

Titu 1:1

Paulu, kpan u Aôndo man apostoli u Yesu Kristu sha inja i jighjigh u nan u uicuwan mba Aôndo man sha inja i mkav u kaven mimi u sha mciviraôndo la,

Titu 2:11

Gadia mrumun u sha mhôôn u Aôndo va ande ve, a va a myom sha ci u ior cii.

Mbaheberu 10:26

Aluer se mba eren asorabo sha apera zum u se ngohol mfe u mimi la kera yô, ma nagh sha ci u asorabo kera ku ga,

Yakobu 3:14

Kpa aluer nea lu a iwuhe i yuan ken ishima shin u wan kwagh wen ayol a en iko tseegh yô, de te nen ihagh ga, shi de eren nen aie sha kwagh u mimi kpaa ga.

2 Peteru 3:9

Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.

2 Yohane 1:1

Ortamen ne ngu sughun icuwan shagbakwase man shi ônov nav kpaa, mba ve doom ishima mimi je, man kera ka mo tseegh ga, kpa ka ve cii mba ve fe mimi yô;

Mpase U Yohane 14:6

M shi m nenge ortyom u Sha ugen lu purugh sha kwavaôndo lu a Icôronloho u Dedoo u yôôn hen mba ve tem shin tar cii, hen hanma ikurior man hanma nongo man hanma zwa man hanma nongoior.