1 Timoteu 2:2 - ICIGHAN BIBILO

² sha ci u utor man ve mba i ver ve sha a-an a icivirigh la cii sha u se̱ tema bem bem, ayôôso a̱ de lu ga, ken mciviraôndo kua mlu u sha inja sha inja sha hanma gbenda cii.

1 Timoteu 2:2 Iomraidhean Croise

2 Samuel 20:19

Mo m ngu môm ken mba keren bem man môm ken mba kuman u veren ishima sha a ve ken Iserael; ka saren we u timin gar, man gema ka ngô ken Iserael je; inja na nan man i lu u ka vihin dyako u TERE?

Esera 6:10

sha u ve̱ naan Aôndo u Sha iniav mbi human doon man ve̱ eren msen kpaa sha ci u uma u tor kua u ônov nav.

Nehemia 1:11

Tere, shi kegh ato sha msen u wanakiriki Wou man msen u mbayev Ou, mba i lu ve ka cian iti You yô; shi na wanakiriki Wou ikôr-laghen nyian, man na i̱ doo or ne a na. Mo yô, m lu or u nan tor kwaghman.

Upasalmi 72:1

Aôndo, na tor ajiraôron a Ou, na wan u tor perapera Wou.

Anzaakaa 24:21

Wan wam, cia TER kua tor kpaa; de nyer nongo a ior mba moughon ayongo ga,

Yeremia 29:7

Ker nen bem u gar u M ne i yem a ven uikangen ker la, sôn nen TER sha ci na; gadia ka sha bem na, ne kpaa né zua a bem ye.

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Luka 2:25

Orgen lu ken Yerusalem, iti na er Shimeon; or la lu or u perapera man u cian Aôndo a ishima i môm, lu keghen msurshima u Iserael; Icighan Jijingi kpaa lu sha a na.

Aerenakaa A Mbaapostoli 10:22

Ve kaa er: Korneliu torutya, ka or u perapera u cian Aôndo, u Mbayuda cii ve lu eren shiada u dedoo sha a na la, a ungwa kwaghôron sha zwa u icighanortyom u Sha er a̱ yila u, u̱ va hen ya na, Sha u a̱ ungwa kwaghôron her a we.

Aerenakaa A Mbaapostoli 24:16

Sha kwagh ne yô, m ngu nôngon u lun a imo i dedoo ken ishima gbem her Aôndo kua hen ior kpaa.

Mbaromanu 12:18

Aluer a fatyô yô, lu nen bem a ior cii ape kwagh wen a lu sha mi la.

Mbafilipi 4:8

Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne.

1 Mbatesalonika 4:11

Nôngo nen ngegh je sha u teman ving, lu nen sha kwagh wen ayol a en, eren nen tom sha ave a en er lu se wa ne kwagh nahan,

Mbaheberu 12:14

Nôngo nen ngegh u lun bem a ior cii shi nôngo nen sha u lun a icighanmlu kpaa, u ma or u nana ban a mi yô, nana nenge a ter ga la.