1 Timoteu 1:5 - ICIGHAN BIBILO

⁵ Kpa ishimaveren i ityesen ne yô, ka dooshima u a dugh ken ishima i wang, man imo i dedoo i ken ishima man shi jighjigh u lun a imanger ga la.

1 Timoteu 1:5 Iomraidhean Croise

Upasalmi 24:4

Ka u nan lu a ave a wang je, man ishima i mimi kpaa la; shi nan veren ishima i nan sha gbilinkwagh ga, man nan bumun sha icugh kpaa ga yô.

Upasalmi 51:10

Gba ishima i wang ken a mo, Aôndo, shi ver jijingi u he u taver ken a mo.

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Sefania 3:7

M kaa Mer: Ma u shi ciem, ma u rumun mkôôm, sha er i̱ de kera timin ijiir na i teman, er M we ishima sha a na nahan ga; nahan kpaa ve mough fese ve vihi aeren a ve cii.

Mateu 12:35

Orinjaa ka nan due a akaa a dedoo ken kwagh u ikoogh u ken ishima la je; orbo ka nan due di a akaabo ken kwagh u bo u ken ishima la je.

Mateu 5:8

Saan mba ve lu asema wang la iyol, gadia vea nenge a Aôndo.

Aerenakaa A Mbaapostoli 15:9

Man A pav se a ve kposo ga, ngu wanger asema a ve sha jighjigh u nan.

Aerenakaa A Mbaapostoli 23:1

Tsô Paulu bon ashe sha mbaajiriv, kaa er: Ne anmgbianev, m zenden m luun a imo i dedoo ken ishima sha ishigh ki Aôndo zan zan nyian.

Aerenakaa A Mbaapostoli 24:16

Sha kwagh ne yô, m ngu nôngon u lun a imo i dedoo ken ishima gbem her Aôndo kua hen ior kpaa.

Mbaromanu 10:4

Kristu ka mkur u tindi sha u hanma or u nan ne jighjigh la yô, á na nan ishô.

Mbaromanu 12:9

Dooshima a̱ de lu sha imanger ga, nyagh nen kwagh u a lu u ifer, var nen sha kwagh u dedoo.

Mbaromanu 14:15

Aluer ka sha kwaghyan wou man ishima ia vihi anmgbian wou yô, kera ka sha dooshima u lu zenden ga. Kwaghyan u u ye la, a̱ de hingir kwagh u vihin uma u un u Kristu A kpe sha ci na la kera ga.

Mbaromanu 9:1

Ka mimi m lu ôron ken Kristu ye, ka aie m eren ga. Imo i ken ishima yam kpaa ngi eren shiada a mo imôngo ken Icighan Jijingi

1 Mbakorinte 13:1

Aluer mea ôron kwagh sha ijô i ior man i mbatyomov mba Shaav je kpaa, mea lu a dooshima ga yô, m hingir er iyôgh ki uvan nahan, shin kwen u kaan.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Duteronomi 10:12

Hegen yô, Iserael, ka nyi TER, Aôndo wou, A keren her a we, saa di u cian TER, Aôndo wou, tsô, man u zenden sha igbenda Na cii, man A̱ doo u ishima, man u̱ eren TER, Aôndo wou, tom a ishima you cii, man a uma wou cii,

1 Timoteu 1:18

Wan wam Timoteu, m ngu wan we kwaghwan ne, m ngu nan we sha ikev, ka kwagh môm a akaa a i tsengaôron sha a we sha kwaghôron u profeti la, nahan i̱ lu sha akaa ne man ú nôngo ityav mbi dedoo,

1 Timoteu 1:19

ú lu a jighjigh u nan man imo i dedoo i ken ishima ye. Mbagenev ta i kera, nahan sha kwagh u jighjigh u nan yô, tso ur ve.

1 Timoteu 3:9

ve̱ luun a kwaghmyer u jighjigh u nan ken imo i nan ibo ga i ken ishima.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:3

Ka mea umbur we ken mbamsen av gbem tugh man atetan yô, m wuese Aôndo u m lu civir Un sha imo i ken ishima i nan mo ibo ga la er uter av kpaa lu eren nahan.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:5

M ngu umbur jighjigh u nan u mimi u a lu ken a we, u a vande lun ken ngôu u tamen Loisi man shi ken ngôu Unise kpaa, shi m fa dedoo mer ngu ken we kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:22

Nahan yevese asaren a sha inja i mbayevikaior la, gema dondo perapera ityô, man jighjigh u nan man dooshima man bem a mbala mba ve yer iti i Ter sha ishima i wang la imôngo.

Titu 1:15

Mba ve lu wang yô, akaa cii nga ve wang je, kpa mbahôngorough man mbanan jighjigh ga yô, ma kwagh ngu ve wang ga, kpa mhen ve kua imo i ken ishima cii hôngor.

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

Mbaheberu 13:18

Eren nen msen sha ci wase, gadia se fa dedoo ser, se mba a imo i dedoo ken ishima, sar se u zenden tsembelee sha akaa cii.

Mbaheberu 9:14

man hira awambe a Kristu, Un u A na Aôndo nagh ku lun a ihogholough mape ga, sha iyol Na sha Jijingi u tsôron, aa kera wanger imo i ken asema a en sha aeren a a lu kpenegh la, sha u eren Aôndo u uma tom ga yee?

Yakobu 4:8

Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 3:16

Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Peteru 4:8

Kwagh u a hembe cii yô, doo nen ayol a en sha gbashima je gadia dooshima cirin asorabo kpishi.

2 Peteru 1:7

sha mcivir u civir Aôndo la seer nen u doon a anmgbianev man sha u doon a anmgbianev la yô, seer nen dooshima.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:23

Tindi Na yô, ka un ne: ka u sé na iti i Wan Na Yesu Kristu jighjigh man shi ka u se̱ doo ayol a ase er A na se tindi nahan.

1 Yohane 3:3

Hanma or u nan lu a ishimaverenkeghen ne sha a Na yô, ka nan wanger iyol i nan er Un kpaa A lu wang nahan.