1 Timoteu 1:10 - ICIGHAN BIBILO

¹⁰ man mbaerenidya man mbayaven a nomso man mbaiin ior yemen a mi, man mbaerenaie, man mbabumun sha aie, man shi mbaeren hanma kwagh ugen cii u alu sha ityesen i dedoo la ga yô.

1 Timoteu 1:10 Iomraidhean Croise

Genese 19:5

ve gba yilan Loti, kaan a na er: Ior mba ve ve hen a we tugh ne yô, mba hana? Due a ve, va a ve hen vese heen, se̱ fa ve.

Genese 37:27

Yô, sé tee nen un, Mbaishemael ve̱ yam, sé bende nen un ave ga, gadia anngô wase, ka iyol yase je. Anngôôv nav rumun imo na la.

Genese 40:15

gadia mimi je i iim a ii ken tar u Mbaheberu; heen kpaa, m er ma kwagh man ve va wuhem ken gaadi ga.

Ekesodu 20:7

De teren iti i TER Aôndo wou dang ga; gadia or u nan teren iti i TER dang dang yô, Una na nan ishô mayange ga.

Ekesodu 21:16

Or u nan ii or, nan za tee, shin i kohol nan a mi ave yô, i̱ wua nan kpee je.

Hosea 10:4

Mba er akaaôron a gbilinigh, mba bumun sha aie, mba ye ikur; nahan ijirôron ia due er imendenev mbi bov mbi shin ahighasule nahan.

Levitiku 18:22

De yaven a nomsoor er i yaven a kwase nahan ga; ka kwagh u ihôngorough je.

Levitiku 20:13

Aluer or á yav a nomsoor er i yaven a kwase nahan yô, ve uhar cii ve er kwagh u ihôngorough i̱ wua ve kpee je; awambe a ve a̱ lu sha ityouv vev.

Sekaria 5:4

Me na ia due, kape TER u akum a Sha A kaa ne, ia nyôr ken iyou i ormbaiv man ken iyou i or u bumun iti Yam sha aie; ia tema ken atô u iyou i nan, ia nande i puru a ikpande i i kua awen a i kpaa.

Sekaria 8:17

ma or ken aven nana̱ de kera henen ifer ken ishima i nan sha or u wan ndor a nan ga; mbum u sha aie a̱ de kera doon ne ga; gadia akaa angan cii, M kôr a ihom, kape TER A kaa ne.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Mbaromanu 1:26

Ka nahan man Aôndo gbihi ve ken asaren a dang ye, kasev vev gema ieren ve a nomso i sha gbaaôndo la hingir ieren i i lu sha gbaaôndo ga yô.

Duteronomi 24:7

Aluer á kohol or nana lu iin or u ken anmgbianev mba nan ken Mbaiserael, nan gema un, una hingir kpan, shin nan ngu teen un yô, ormbaiv la nana̱ kpe; kape ú er man ú dugh ifer ken a we kera ne.

1 Timoteu 4:6

Aluer u tesen anmgbianev akaa ne yô, ú lu ortom u dedoo u Kristu Yesu u i koso u sha akaaôron a sha jighjigh u nan man sha ityesen i dedoo i u dondo sha mi la.

1 Timoteu 6:3

Aluer or ngu tesen ityesen igen kposo nan kera rumun akaaôron a Ter wase Yesu Kristu a dedoo la shin ityesen i civir Aôndo kpaa ga yô,

WASHIKA U SHA UHAR U PAULU APOSTOLI TINDI HEN TIMOTEU - 2TI 1:13

Kwaghôron u dedoo u u zough a mi hen mo yô, a̱ lu u ikav i zan sha mi sha kwagh u jighjigh u nan man dooshima u ken Kristu Yesu.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:3

Gadia shighe ngu van u ior vea kera fatyô u veren ato sha ityesen i dedoo ga, vea kohol mbatesen kpishi sha asaren a ve ayol a ve sha ci u ato vande ngiligh ve yô.

Titu 1:13

Mpase ne ka u mimi je. Nahan yô, yange ve coholoo sha u i̱ kpe jighjigh ve u nan la iyol,

Titu 1:9

nana̱ kôr ave taveraa sha kwaghôron u jighjigh er i tese nahan, sha u nana̱ fatyô u wan ior kwagh sha inja i ityesen i dedoo la man shi sha u nana̱ yangen kwagh a mba ve nyiman la.

Mbaheberu 13:4

Ivaa i̱ lu kwagh u icivirigh hen ior cii, gambe u ivaagh kpaa a̱ de lu a acôghol ga, gadia Aôndo Una ôr mbaerenijimba man mbavihin ivaa sha idya la ijir.

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.

Mpase U Yohane 18:13

man shinamon man amomo man akaa a human doon man mkurem ma human doon man libano man wain man mkurem man mwem ma kengese man alakema man ibua man iyôngo man anyinya man akeke a zeren sha anyinya man ikpan man uuma mba iorov kpaa.

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.