1 Samuel 8:7 - ICIGHAN BIBILO

⁷ TER gema kaa a Samuel er: Ver ato, ungwa hanma kwagh u ior vea kaa u cii; gadia ka we ve vende ga, kpa ka Mo ve vende er M̱ de lu tor ve ga ye.

1 Samuel 8:7 Iomraidhean Croise

Ekesodu 16:8

Mose kaa er: Ka shighe u TER Una na ne inyam aikighe, né ya, kua kwaghyan pepe kpaa, á kuma ne la; gadia TER ungwa ivever i ne eren Un la; se mba nyi? Ka se, ne ze se ivever iyol ga, kpa ka TER.

Yesaia 66:4

Mo kpaa Me tsuwa akaa a zan ve iyol, man Me va ve a akaa a tan ve mciem iyol, sha ci u zum u M yila la, ma or nan vengese ga, zum u M ôr kwagh kpaa, ve ungwa ga; ve gema ve er kwagh u a lu u ifer sha ashe Am, man ve tsuwa kwagh u a doom ishima ga yô.

Yeremia 34:14

Er anyom ataankarahar a kar kera yô, hanmô wen nana̱ pase anngô u nan u nan lu Orheberu, u nan tee u iyol i nan u yam la, man nan er u u tom anyom ataratar; pase nan tuhwa, na nan gbenda; kpa uter enev lumun imo Yam ga, ato tsô kpaa ve ver her ga.

Esekiel 2:3

A kaa a mo er: Wan u or, M ngu tindin we hen Mbaiserael, hen akuraior a hendan kwagh, a a hendan a Mo yô; ve kua uter vev ve per atindi Am, zan zan nyian je.

Esekiel 3:7

Kpa ya u Iserael yô, una ver ato her a we ga; gadia ve rumun u veren ato her a Mo ga; gadia ya u Iserael cii ka mbatavertyough man mbakehenasema kpaa.

Numeri 22:20

Nahan Aôndo va hen Balaam tugh, va kaa a na er: Aluer ior mbala va u va yilan we yô, mough, yem a ve imôngo; kpa ka kwagh u Me kaa la tseegh, za er ye.

Mateu 10:40

U nan rumun ne yô, ka Mo, nan rumun ye; man u nan rumun Mo yô, nan ngu rumun Un u A tindim la.

Luka 10:16

U nan ongo ne yô, nan ngu ungwan Mo; u nan vende ne yô, nan ngu vendan Mo; man u nan vendem yô, ka u A tindim la je, nan vende ye.

Luka 19:14

Kpa ior mba hen tar na la venda un, ve tindi mbatyomov ken ijime na er: Ka se ka or ne a̱ lu tor sha a vese ga.

Luka 19:27

Kpa mbaihomov av mbala mba ve rumun er m̱ lu tor ve ga la yô, va nen a ve heen, va wua nen ve sha ishigh yagh.

YOHANE 13:16

Mimi mimi je, M kaan ne ne, wanakiriki hembe ter na icivir ga, ortyom kpaa hembe un u a tindi un la icivir ga.

Mbaajiriv 8:23

Kpa Gidion gema kaa a ve er: Me tema tor wen ga, wan wam kpaa una tema tor wen ga; ka TER A tema tor wen ye.

1 Samuel 10:19

kpa nyian, ne venda Aôndo wen, Un u A yem ne iyol Na je, ken atsan a en cii kua uzayol enev, ne kaa a Na, ner: Ei! Na se tor. Nahan yô, va tile nen ase heen sha ishigh ki TER sha ikwe ikwe man sha udubu udubu.

1 Samuel 12:1

Tsô Samuel kaa a Iserael cii er: Nenge m ver ato sha kwaghôron wen sha hanma kwagh u ne kaam cii, m kôr ne tor.

1 Samuel 12:12

Zum u ne nenge Nahashi tor u Mbaamon mough num a ven yô, ne kaa a mo ner: Ei, na se tor, a̱ lu tor sha a vese; man nenge, TER, Aôndo wen, ka Un A lu tor wen ye.

1 Samuel 8:22

Tsô TER kaa a Samuel er: Er sha imo ve, na ve tor. Nahan Samuel kaa a ior mba Iserael er: Gba yemen nen tsô, hanma or a̱ yem hen ya u nan.

1 Samuel 8:8

Sha akaa a ve er cii, hii sha iyange i M due a ve ken tar u Igipiti la je zan zan nyian, er ve lu tan Mo kera civir mbaaôndo mbagenev nahan, kape we kpaa ve er a we la.