1 Samuel 8:6 - ICIGHAN BIBILO

⁶ Kwaghôron la vihi Samuel ishima u ve kaa er: Na se tor u nana ôron se ijir la. Tsô Samuel sôn TER.

1 Samuel 8:6 Iomraidhean Croise

Upasalmi 109:4

Sha dooshima wam la, ve gema ve hingir mbaahendanev av, kpa mo yô, m lu eren msen.

Ekesodu 32:21

Mose kaa a Aron er: Ior mban ve er nyi, man u hee ve zegekwaghbo iyol nahana?

Ekesodu 32:32

Hegen yô, ma U shi de ve isholibo ve, man aluer ka nahan ga yô, esem ken ruamabera Wou u U nger la kera tsô.

Hosea 13:10

Tor wou ngu han ase, sha u una yima u ken agar a ou cii, man mbaajiriv ou mba hana, mba u kaa sha kwagh ve wer: Nam tor kua mbatarev laa?

Numeri 16:15

Nahan ishima vihi Mose tsung, a kaa a TER er: De rumun nagh vegh ku ve ve a mi la ga; shin jaki môm tsô kpaa, m ngohol ve sha apera ga, shi m er mô ve môm kwaghvihin kpaa ga.

Numeri 16:22

Kpa ve gure ve kuma ishiv inya, ve kaa er: Ahii! Aôndo u ujijingi mba uumace cii, or môm nan er kwaghbo, tsô Ú gema Ú yuwe ior cii?

Numeri 16:46

Mose kaa a Aron er: Tôô gbande wou u kwaghhumandoon, dugh usu ken atse a nanden nagh sha mi, wa shimi, haa kwaghhumandoon sha mi, tôô fese za a mi hen ior, za na iwom sha ci ve; gadia TER ngu yuwen, bouange kpaa hii ve.

Mbafilipi 4:6

Ishima i̱ de nyian ne sha ma kwagh ga, kpa akaa a a gbe ne la, Aôndo A̱ fa a ken hanma kwagh cii sha msen man sha mzamber a ishughun,

Yakobu 1:5

Aluer kwaghfan una yina mô wen yô, nana̱ sôn Aôndo u ka A na ior cii wuee, A kera kôhôn ashe ga la, tsô á na nan di je.

1 Samuel 10:19

kpa nyian, ne venda Aôndo wen, Un u A yem ne iyol Na je, ken atsan a en cii kua uzayol enev, ne kaa a Na, ner: Ei! Na se tor. Nahan yô, va tile nen ase heen sha ishigh ki TER sha ikwe ikwe man sha udubu udubu.

1 Samuel 12:12

Zum u ne nenge Nahashi tor u Mbaamon mough num a ven yô, ne kaa a mo ner: Ei, na se tor, a̱ lu tor sha a vese; man nenge, TER, Aôndo wen, ka Un A lu tor wen ye.

1 Samuel 12:17

Nyian ka iyange i sundan alakema gaa? Me sôn TER A̱ nôô ura man né fa man né nenge kpaa er kwaghbo wen a lu u vesen u ne er sha ishigh ki TER, er ne ker tor yô.

1 Samuel 12:19

Tsô ior cii kaa a Samuel er: Sôn TER, Aôndo wou, sha ci u mbayev ou sha er se̱ de kpen ga yô; gadia se seer kwaghbo ne sha asorabo a ase cii, er se ker tor yô.

1 Samuel 12:23

Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.

1 Samuel 15:11

Gema vihim er M ver Saulu Mer a̱ tema tor yô; gadia a gema a de u dondon sha a Mo, a er sha imo Yam ga. Nahan ishima vihi Samuel; a tsa vaan a TER kaka.

1 Samuel 7:5

Samuel shi kaa er: Kohol Iserael cii hen Misepa; yô, me va sôn TER sha ci wen.