1 Samuel 7:3 - ICIGHAN BIBILO

³ Tsô Samuel ôr kwagh a ya u Iserael cii, a kaa er: Aluer nea gema hen TER sha ishima môm yô, dugh nen mbaaôndo mbagenev kua Ashetaroti kpaa ker a ven kera, ver nen asema sha TER, civir nen Un tseegh, tsô Un kpaa Una yima ne sha ikev i Mbafiliti.

1 Samuel 7:3 Iomraidhean Croise

Genese 35:2

Yakob kaa a mba hen ya na, man mba ve lu a na cii er: Haa nen mbaaôndo mbagenev mba ve lu her a ven la, kera; wanger nen ayol a en, haa nen akondo agen,

1 Utor 11:33

sha ci u ve undum ve gur ve civir Ashetaroti, Mgbianaôndo u Mbashidon man Kemoshi aôndo u Moabi man Milkom aôndo u Mbaamon yô; ve zenden sha igbenda Yam ga, ve er kwagh u lu vough sha ashe Am kpaa ga, man ve wa iko sha akaawan a Am man ajiraôron a Am er ter na Davidi er nahan ga.

1 Utor 8:48

aluer vea hide hen a We a ishima ve cii kua uma ve cii, ken tar u mbaihomov vev, mba ve ze a ve uikangen la, vea sôn U, vea ver ishigh vegher u ken tar ve, u U ne uter vev, hen gar u U tsough man iyou i m maa sha ci u iti You ne yô,

2 Utor 17:39

kpa ka TER, Aôndo wen, né cian Un ye; wen Una yima ne sha ikev i mbaihomov enev cii.

2 Utor 23:15

Man shi atse a nanden nagh sha mi a a lu ken Betel kua ijiir i taven sha i Yerobiam wan u Nebati u a na Iserael a er isholibo la, lu er la, atse shon man ijiir i taven sha la, a hembe a, a nande ijiir i taven sha la, a hembe i zan zan hingir vuwe, a nande Ashera la kpaa.

1 Kroniku 22:19

Yô, ver nen ishima yen kua uma wen sha u keren TER, Aôndo wen; mough nen, maa nen icighanjiir u TER Aôndo, sha u né va a areki u ikuryan u TER man uicighanmbaakaav mba Aôndo ken iyou i á maa sha ci u iti i TER la.

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

2 Kroniku 19:3

Nahan kpaa i zua a akaadoon her a we, gadia u vihi Asherim ken tar ne kera, shi u ver ishima u keren TER kpaa.

2 Kroniku 20:33

Nahan kpaa, i vihi ajiir a taven sha la, kera ga; ior kpaa lu a ver asema a ve sha Aôndo u uter vev ga.

2 Kroniku 30:19

u nan ver ishima u keren Aôndo TER, Aôndo u uter mba nan yô, shin er nan lu wang sha mwanger u icighanjiir la ga kpaa.

Anzaakaa 16:1

Mbamhen mba ken ishima ka mba iorov tsô, kpa imo i kaan ken zwa yô, ka hen TER i dugh ye.

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yeremia 24:7

Me na ve ishima sha u vea fa er Mo M lu TER yô; vea hingir ior Av je, Mo kpaa Me lu Aôndo ve, gadia vea hide her a Mo a ishima i môm.

Yeremia 36:3

Alaghga ya u Yuda una ungwa kwaghbo u M we ishima u eren ve la cii yô, vea gema, hanmô ve nana undu gbenda u nan u bo sha u M̱ de ve ifer ve man isholibo ve yô.

Yeremia 4:1

Aluer wea hide yô, we Iserael, kape TER A kaa ne, ka her a Mo ú hide ye; aluer wea dugh akaa a hôngorough a ou sha ishigh Yagh kera yô, nahan kera gba u, ú zende wue wue ga.

Esekiel 14:6

Nahan yô, kaa a ya u Iserael wer: Ter AÔNDO ngu kaan nahan er: Gema nen asema; gema nen, undu nen akombo a en, man gema nen ishigh kera, sha akaa a en a ndôhôrshima la cii.

Esekiel 18:31

Haa nen asorabo a en, a ne er la cii kera, wa nen ishima i he man jijingi u he kpaa, gadia ka sha ci u nyi né kpe, we ya u Iseraele?

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Mateu 15:8

Nongoior ne ngu civir Mo sha ityumbujôôgh ve tseegh, kpa ishima ve yô, ngi ica a Mo je.

Mateu 4:10

Tsô Yesu gema kaa a na er: Yem kera, Satan, gadia i nger er: Civir Ter, Aôndo wou, ka Un tseegh er Un tom ye.

Mateu 6:24

Or môm môm ngu u nana fatyô u eren uter uhar tom ga; gadia nana kôr ugen ihom, ugen á doo nan ishima, shin nana var ken ugen, nana laha ugen. Ne fatyô u eren Aôndo tom kua inyaregh kpaa ga.

Luka 4:8

Kpa Yesu gema kaa a na er: I nger er: Civir Ter Aôndo wou, ka Un tseegh er Un tom ye.

YOHANE 4:24

Aôndo ka jijingi je; mba ve civir Un yô, ka u ve̱ civir ken jijingi kua ken mimi kpaa keng.

Duteronomi 10:20

Ka TER, Aôndo wou, cian Un ye, ka Un kpaa eren Un tom, ka Un var ken Na, shi ka ken iti Na kpaa bumun nen ye.

Duteronomi 13:4

Dondo nen TER, Aôndo wen, cian nen Un, waan nen atindi Na iko, ungwa nen imo Na, civir nen Un, Var nen a Na.

Duteronomi 4:29

Nahan ú gba keren TER, Aôndo wou, keregh; ú zua a Na je, aluer u ker Un a ishima you cii man a uma wou cii yô.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

Yosua 13:31

man vegher u Gileadi kua Ashetaroti man Ederei, ka agar a tartor u Ogo ken Bashan je la, ônov mba Makir, wan u Manase, ngohol, ka vegher u ônov mba Makir sha icombor ve je la.

Yosua 24:14

Nahan yô, cia nen TER, er nen Un tom sha ishima i môm man sha mimi kpaa; de nen mbaaôndo mba uter enev lu civir ve Ifi yande la kua ken Igipiti la, civir nen TER.

Yosua 24:23

Nahan yô, dugh nen mbaaôndo mbagenev mba ve lu ker a ven la, kera gema ver nen asema a en sha TER, Aôndo u Iserael.

Mbaajiriv 10:16

Tsô ve dugh mbaaôndo mbagenev ken a ve kera, ve gema ve civir TER; nahan ishima vihi Un sha ci u ican i Iserael.

Mbaajiriv 10:6

Mbaiserael shi er kwaghbo sha ishigh ki TER, ve civir Ubaal man Mbaashetaroti man mbaaôndo mba Shiria man mbaaôndo mba Shidon man mbaaôndo mba Moabi man mbaaôndo mba Mbaamon kua mbaaôndo mba Mbafiliti; ve undu TER, ve de u civir Un.

Mbaajiriv 2:11

Mbaiserael er kwaghbo sha ishigh ki TER, ve civir Ubaal;

Mbaajiriv 2:13

Er ve undu TER, ve civir Baal man Ashetaroti la yô,

1 Samuel 31:10

Ve ver ikav nav mbi utyav ken iyou i Ashetaroti; ve gema gundu na ve mande sha kpekpe u Bete-shan.