1 Samuel 6:5 - ICIGHAN BIBILO

⁵ Ka nahan man né er ieev mbi imor yen kua ieev mbi ihyev yen i i vihin tar la, man né civir Aôndo u Iserael ye; alaghga Una tôô uwegh Nagh sha a ven kera man sha mbaaôndo enev kua sha tar wen kpaa.

1 Samuel 6:5 Iomraidhean Croise

1 Kroniku 16:28

Ne icombor i ior, na nen TER, na nen TER icivir man agee;

1 Kroniku 16:29

na nen TER icivir i i kom sha iti Na yô; va nen a nagh, va nen sha ishigh Nagh. Gure civir nen TER a uicighanmbaakondov iyol.

Upasalmi 18:44

Er ve ungwa a ungwa gwa wam tseegh tsô, ve rumun imo yam je; atôatyev va hen a mo agurenu.

Upasalmi 32:4

gadia tugh man tetan kpaa, uwegh Ough kighir mo, mshiam am uma, hingir er ka sha mtsee u inyom yô. Sela.

Upasalmi 39:10

Hidem a mtsaha Wou kera, mo m gba kera sha ci u gbidiv mbu sha uwegh Ough.

Upasalmi 66:3

Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

Ekesodu 12:12

Gadia hen tugh mbula, Me zende ken tar u Igipiti cii, Me wua hanma waniunda ken tar u Igipiti cii, u or kua u zendenya kpaa; mbaaôndo mba Igipiti cii kpaa, Me ôr ve ijir, Me tsaha ve; ka Mo TER.

Ekesodu 8:17

Ve er nahan; Aron naregh uwegh nagh a gbough nagh, gbidye vuulevu hen inya, tsô nenge, inyarev mbi nyuman haa sha ior kua ilev; ihundu i hen inya cii hingir inyarev mbi nyuman ken tar u Igipiti ca ca.

Ekesodu 8:24

Ka ape TER er je la; ikpila-akughô i nyuman nyôr ken ya u Farao man ken uya mba mbatomov nav kua ken tar u Igipiti cii; tar vihi sha ci u ikpila-akughô la.

Ekesodu 8:5

TER kaa a Mose er: Kaa Aron wer: Naregh uwegh ough a gbough ough sha uifi man sha mbaakpambamngerev man atungu, sha er asôhô aa va ken tar u Igipiti yô.

Yesaia 19:1

Mkaanem ma Aôndo sha Igipiti. Nenge, TER tema sha ibeenegh ki zenden fefa, ngu van hen Igipiti; akombo a Igipiti aa gbidye akarkase iyol sha ishigh Nagh, ishima i Igipiti kpaa ia sough ken vanger na.

Yesaia 42:12

Ve̱ na TER icivir, ve̱ pase iwuese Na ken ityar i hen kpezegemnger.

Yeremia 13:16

Na nen TER, Aôndo wen, icivir, er A lu a er ime i wa ga ne, man er ne lu a ta angahar kera sha iwo i wan ime la ga ne, man er ne lu keren iwanger yô, A gema i i hingir mure u kuugh man shi angôghime.

Yeremia 3:13

Kpa rumun iferkwagh you er u er TER, Aôndo wou, kwaghbo, man u kaha u ze hen mbaaôndo mbagenev, shin hanma itinekon i lun a mure; man imo Yam kpaa ne kera wa iko sha mi ga, kape TER A kaa ne.

Yoel 2:25

Shi Me hide ne a anyom a ikomon i purugh agumaikomon man ikomon i oron akaa kua ikomon i tseren akaa lu ya la, ka zegeikumutya Yam i M tindi her a ven ne.

Yona 3:9

Ka an nan fe er alaghga Aôndo Una gema awashima Na man Una hide a iyugh Na ijime sha u se̱ de timin ga yôô?

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Numeri 33:4

Mbaigipiti gema lu iin ônovmbaiundav vev mba TER wua ve cii la; mbaaôndo vev kpaa, TER ôr ve ijir tsaha ve.

YOHANE 9:24

Tsô ve shi ve yila un u a vande pirin ashe la myer u sha kwa har, ve kaa a na er: Civir Aôndo! Se yô, se fa Or ne ka orisholibo je.

Yosua 7:19

Tsô Yosua kaa a Akan er: Wan wam, shi civir TER, Aôndo u Iserael, wuese Un, kaam kwagh u u er la hegen je, de yeren mo un ga.

Mpase U Yohane 11:13

Hen shighe la je tar tenger kpen kpen, tiôn môm u ken atôôn pue a gar yôhôl, i wua ior dubu utaankaruhar sha mtenger u tar la, mba ve shi her yô, cier ve iyol, ve gba civir Aôndo u Sha.

Mpase U Yohane 14:7

Lu kaan sha zegeimo er: Cia nen Aôndo, na nen Un icivir gadia shighe Na u ôron ijir kuma ve, civir nen Un u A er Sha man tar man zegemnger man amboramnger kpaa la.

Mpase U Yohane 16:9

Tsô ior hia sha mtsee u taveraa la, ve gba tuhwan iti i Aôndo u A lu a tahav sha atsan angan, ve kera gema asema, ve na Un icivir ga.

1 Samuel 5:11

Tsô ve kohol utor mba Mbafiliti cii, ve kaa er: tindi nen areki u Aôndo u Iserael ne a̱ hide hen ijiir na, a̱ de kera woo se a ior asev nahan ga. Gadia gar cii nzughul sha mcie je ar ken ku; uwegh ku Aôndo yuhwa kpishi heregh.

1 Samuel 5:9

Er ve va a mi keela yô, uwegh ku TER num gar la hingir nzughul nzughul cii; A tsaha ior mba hen gar la, mbakiriki kua mbavesen, imor due ve iyol.

1 Samuel 6:8

Yô, tôô areki u TER penda sha ikyekye; wa akaa a i er sha zenaria, a ne va na Un nagh ku iboogh a mi la, ken adudu, ver hen kpe na; tindi, i̱ yem a mi kera.