1 Samuel 6:2 - ICIGHAN BIBILO

² Tsô Mbafiliti yila upristi kua mbakpehenasor, ve pine ve er: Sé er a Areki u TER ne nana? Kaa nen se kwagh u sé er man sé hide a na hen ijiir na yôô?

1 Samuel 6:2 Iomraidhean Croise

Genese 41:8

Tsô sev mbu aven yô, hingir un ken ishima hang; a tindi er i̱ za yila mbaahiriv mba Igipiti kua mbafankwagh cii, ve̱ va; tsô Farao ôr ve mnyam nam; kpa mô ve môm u pasen Farao ma, lu ga.

Ekesodu 7:11

Tsô Farao yila mbafankwagh man mbaahiriv; ve mbaahiriv mba Igipiti kpaa ve er nahan sha ahir a ve.

Yesaia 2:6

Gadia U ta ior Ou, ya u Yakob kera, gadia ve iv a akaa a sha inja i mba sha ityoughkitaregh la, ve ka mbakpehenasor sha inja i Mbafiliti, man shi ve nyôr nongo a ônov mba ior mba tar ugen.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.

Mateu 2:4

Tsô er a kohol upristi mba tamen cii kua mbangeren mba nongoior la yô, a pine ve hen ape á mar Kristu yô.

1 Samuel 5:8

Tsô ve kohol utor mba Mbafiliti cii her a ve, ve pine er: Sé er a areki u Aôndo u Iserael ne nana? Ve gema ve kaa er: Yô, i̱ tôô areki u Aôndo u Iserael ne i̱ yem a mi ken Gati. Tsô ve tôô areki u Aôndo u Iserael ve yem a mi ker.

1 Samuel 6:1

Areki u TER lu ken tar u Mbafiliti iwer itiankarihiar.