1 Samuel 5:9 - ICIGHAN BIBILO

⁹ Er ve va a mi keela yô, uwegh ku TER num gar la hingir nzughul nzughul cii; A tsaha ior mba hen gar la, mbakiriki kua mbavesen, imor due ve iyol.

1 Samuel 5:9 Iomraidhean Croise

Upasalmi 78:66

A gbidye mbaahendanev Nav, A hide a ve ijime, A er, i hee ve gbem.

Amoshi 5:19

Ka er or yevese begha, dwem gema zua a nan; shin nan nyôr ken iyou nan tuur uwegh ken kpekpe, iyô i gema i nyuma nan.

Duteronomi 2:15

Gadia uwegh ku TER lu ihom a ve, A tim ve ken afo kera, ve kpe je, ve bee.

1 Samuel 12:15

kpa aluer né ungwan imo i TER ga, né gema né hendan a tindi u TER yô, uwegh ku TER kua lu num a ven er ku lu num a uter enev nahan.

1 Samuel 5:10

Nahan ve tindi areki u Aôndo hen Ekeron. Tsô er areki u Aôndo ar hen Ekeron yô, ior mba Ekeron genger imo, ve kaa er: Ve va a areki u Aôndo u Iserael ne hen vese, sha u va wuan se kua ior asev kpaa.

1 Samuel 5:11

Tsô ve kohol utor mba Mbafiliti cii, ve kaa er: tindi nen areki u Aôndo u Iserael ne a̱ hide hen ijiir na, a̱ de kera woo se a ior asev nahan ga. Gadia gar cii nzughul sha mcie je ar ken ku; uwegh ku Aôndo yuhwa kpishi heregh.

1 Samuel 5:6

Kpa uwegh ku TER yuhwa sha ior mba Ashedodi, A cie ve, shi A tsaha ve sha iyolmuran, ka Ashedodi kua iningirtar na.

1 Samuel 6:11

ve penda areki u TER sha ikyekye kua adudu u i we ihyev i sha zenaria man ieev mbi imor ve shimi la.

1 Samuel 7:13

Kape i hemba Mbafiliti la, mayange ve kera va ken iningirtar i Iserael ga; uwegh ku TER lu ihom a Mbafiliti sha ayange a Samuel cii.