1 Samuel 5:8 - ICIGHAN BIBILO

⁸ Tsô ve kohol utor mba Mbafiliti cii her a ve, ve pine er: Sé er a areki u Aôndo u Iserael ne nana? Ve gema ve kaa er: Yô, i̱ tôô areki u Aôndo u Iserael ne i̱ yem a mi ken Gati. Tsô ve tôô areki u Aôndo u Iserael ve yem a mi ker.

1 Samuel 5:8 Iomraidhean Croise

1 Kroniku 7:21

wan na Sabadi, wan na Shutela, wan na Eser kua Eleadi; ior mba Gati mba i mar ve ken tar la wua ve sha ci u ve sen sha u va kuran ve ilev yô.

Amoshi 6:2

Kar za nen ken Kalne, za nenge nen; keela kpa kar za nen hen Hamati u vesen, shi sen nen hen Gati u Mbafiliti; ve hemba doon a ityartor nginii? Shin tar ve hemba gbanger a tar wene?

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.

Yosua 13:3

hii hen Shihor u a dondo a Igipiti zan zan za ar hen ikighirtar i Ekeron ken imbusutarimese la; i wa u ken tar u Mbakanaan je; utor mba Mbafiliti utaan: tor u Gasa man u Ashedodi man u Asekelon man u Gati man u Ekeron, man shi Mbaavi

Yosua 15:11

ikighir la due sha ikooso i uwo u Ekeron vegher u hen imbusutarimese la, ikighir la gese za hen Shikeron, i kar sha uwo u Baala, i due hen Yabenel; ikighir la za kure hen zegemnger;

1 Samuel 17:4

Tsô nomor u agbende agbende due ken afo a Mbafiliti, iti na er Goliati u Gati; ityaven na kuma aseva ataratar cir tiôn.

1 Samuel 17:52

Tsô ior mba Iserael kua mba Yuda ve mough ve ger akenge, ve cir Mbafiliti ijime zan zan ve za ar hen Gati la, man hen ihinda i Ekeron. Mbafiliti mba i vihi ve ayol yô, ve gba sha gbenda u zan sha Sharaim zan zan za ar hen Gati kua Ekeron kpaa.

1 Samuel 29:6

Tsô Akishi yila Davidi, kaa a na er: Er TER A lu u uma ne, u ngu ormimi, mdugh wou kua mnyer wou a mo imôngo ken akumautya a doom, gadia m zua u a ibo ga, hii sha iyange i u va kohol mo la je zan zan nyian; nahan kpaa atiator rumun we ga.

1 Samuel 5:11

Tsô ve kohol utor mba Mbafiliti cii, ve kaa er: tindi nen areki u Aôndo u Iserael ne a̱ hide hen ijiir na, a̱ de kera woo se a ior asev nahan ga. Gadia gar cii nzughul sha mcie je ar ken ku; uwegh ku Aôndo yuhwa kpishi heregh.

1 Samuel 5:7

Tsô er Mbaashedodi nenge nahan yô, ve kaa er: Areki u Aôndo u Iserael a̱ de kera luun a vese ga, gadia uwegh Nagh yuhwa sha a vese kua sha aôndo wase Dagon kpaa.

1 Samuel 6:2

Tsô Mbafiliti yila upristi kua mbakpehenasor, ve pine ve er: Sé er a Areki u TER ne nana? Kaa nen se kwagh u sé er man sé hide a na hen ijiir na yôô?