1 Samuel 5:7 - ICIGHAN BIBILO

⁷ Tsô er Mbaashedodi nenge nahan yô, ve kaa er: Areki u Aôndo u Iserael a̱ de kera luun a vese ga, gadia uwegh Nagh yuhwa sha a vese kua sha aôndo wase Dagon kpaa.

1 Samuel 5:7 Iomraidhean Croise

2 Samuel 6:9

Davidi cia TER sha iyange la je, a kaa er: Á er nan man me va a areki u TER her a mo nahana?

1 Kroniku 15:13

Gadia ka sha ci u ne tôô un tsuaa la ga, man TER, Aôndo wase, ta num sha a vese yô, gadia se ker Un sha gbenda u vough ga.

Ekesodu 10:7

Nahan mbatomov mba Farao kaa a na er: Ka hanma shighe je man or ne una de hônon se? De ior ve̱ yem ve̱ za civir TER Aôndo ve; u ngu a fa er Igipiti a saa ishe je gaa?

Ekesodu 12:33

Mbaigipiti gba torough a ior mbala, er ve̱ due ken tar la kera fefa; gadia ve kaa er: Se mba kpen cii.

Ekesodu 8:28

Nahan Farao kaa er: M rumun, za nen, za na nen TER, Aôndo wen, nagh ken desereti; kpa ka ca tsô, de ze nen ga ye; sôn nen sha ci wam.

Ekesodu 8:8

Tsô Farao tindi i za yila Mose kua Aron, a kaa er: Sôn nen TER, A̱ kuram asôhô ne kera, kua hen ior av kpaa, tsô me de ior mban ve̱ yem, ve̱ za na TER nagh.

Ekesodu 9:28

Sôn nen TER, gadia mbamdor mba Aôndo kua awombo ne gande; me na ne gbenda, kera ngôôr yen je ga.

Yeremia 46:25

TER u akum a Sha, Aôndo u Iserael, ngu kaan er: Nenge, Me tsaha Amon u No, man Farao, man Igipiti a mbaaôndo nav kua utor nav, ka Farao a mba ve suur sha a na la;

Yeremia 48:7

Gadia, er u suur sha ityom you kua sha inyaregh you, nahan we kpaa á hemba u; Kemoshi una za ken uikangen, a upristi nav man atiator a na imôngo.

1 Samuel 4:8

Kwagh tser se ve! Ka an nana shi yima se sha ikev i mbaaôndo mba ageev mbana? Mban ka mbaaôndo mba iyange ve tim Mbaigipiti sha hanma injacan ken desereti je ne.

1 Samuel 5:6

Kpa uwegh ku TER yuhwa sha ior mba Ashedodi, A cie ve, shi A tsaha ve sha iyolmuran, ka Ashedodi kua iningirtar na.

1 Samuel 5:8

Tsô ve kohol utor mba Mbafiliti cii her a ve, ve pine er: Sé er a areki u Aôndo u Iserael ne nana? Ve gema ve kaa er: Yô, i̱ tôô areki u Aôndo u Iserael ne i̱ yem a mi ken Gati. Tsô ve tôô areki u Aôndo u Iserael ve yem a mi ker.

1 Samuel 6:20

Nahan ior mba Bete-Shemeshi kaa er: Ka an nan fatyô u tilen sha ishigh ki TER, Aôndo u wang, nee? Una mough hen a vese heen yô, Una kôndo Una za sha unô?