1 Samuel 5:4 - ICIGHAN BIBILO

⁴ Kper gen shi mba ze her pepe yô, ve kav Dagon gba cir ishigh inya sha ishigh ki areki u TER; ityough ki Dagon kua akevaveegh na cii tôndo haa inya hen kpandehunda u shin; Dagon mase shin gundu tseegh.

1 Samuel 5:4 Iomraidhean Croise

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Yesaia 40:20

Or u nan gbe ican yum nan yen sha nagh kura yô, nan tsuwa kon u ua vôngo ga yô, nan ker orfan eev dedoo, sha er nana̱ gba eev mbu mbua tenger ga yô.

Yeremia 10:11

Kaa nen ve nahan ner: Mbaaôndo mba ve gbe Sha man tar ga yô, vea saa ishe shin tar man sha won cii kpaa.

Yeremia 10:14

Hanma or nan hingir orlanenkwagh, nan ban a mfe; hanma or u nan eren tom sha zenaria nan va ahenge sha ieev mbi nan mbi gban a gba la; gadia ieev mbi nan mbi keren a ker mbila ka kwagh u icughugh je, ma iôôn ngi ken mbi ga.

Yeremia 10:15

Mbi gbilin tsô, ka tom u icughugh; sha shighe u mtsaha u mbi yô, mbia saa ishe.

Yeremia 50:2

Pase nen akuraior, yôô nen, tim tuta, yôô nen, de kera yeren nen ga, kaa nen, ner: I ngohol Babilon, Bel va ahenge, kwagh hemba Merodaki; ieev nav va ahenge, kwagh hemba akombo a na.

Daniel 11:8

mbaaôndo vev man ieev vev mbi keren a ker, a ikav vev mbi dedoo, mbi sha azurfa man sha zenaria, una kura kera, una yem a mi ken Igipiti; una mem u nôngon ityav a tor u sha imbusutarimese anyom á kar.

Mika 1:7

Ieev nav mbi gban a gba cii, á hembe mbi avur avur, man injar na i sha idya la cii á nande i sha usu, Me gema ieev nav cii, mbia hingir ice; gadia ka sha injar i agbaga a kohol mbi ye, man shi mbia hide hen injar i agbaga kpaa.

1 Samuel 6:5

Ka nahan man né er ieev mbi imor yen kua ieev mbi ihyev yen i i vihin tar la, man né civir Aôndo u Iserael ye; alaghga Una tôô uwegh Nagh sha a ven kera man sha mbaaôndo enev kua sha tar wen kpaa.