1 Samuel 5:12 - ICIGHAN BIBILO

¹² Ior mba ve kpe ga yô, imor due ve iyol; mliam ma gar la kôndo je ar Sha.

1 Samuel 5:12 Iomraidhean Croise

1 Utor 19:17

Nahan or u nana war sanker u Hasael yô, Yehu a̱ wua nan; man or u nana war sanker u Yehu yô, Elisha a̱ wua nan.

Ekesodu 12:30

Tsô Farao nder, un kua mbatomov nav cii man Mbaigipiti cii, i ger mliam ken Igipiti ting, gadia ma ya u ikomor de lun ker yô, lu ga.

Yeremia 14:2

Yuda ngu zungwen, ihindagar na hingir dang; ve tema inya hundughuu, mliam ma Yerusalem ma kôndon sha.

Yeremia 25:34

Gbidye nen vaa, ne mbakuranilev, vaa nen; vingir nen iyol shin mtwe, ne mbahemenev mba ikumuile, gadia ayange a wuan ne kuma ve, man Me sambe ne, né gba inya er gbande u injaa nahan.

Yeremia 48:3

Ungwa! vaa due ken Horonaim: mvihi man mtim u vesen!

Amoshi 5:19

Ka er or yevese begha, dwem gema zua a nan; shin nan nyôr ken iyou nan tuur uwegh ken kpekpe, iyô i gema i nyuma nan.

1 Samuel 6:1

Areki u TER lu ken tar u Mbafiliti iwer itiankarihiar.

1 Samuel 9:16

Kper er hegen nahan, Me tindi u a or u ken tar u Benyamin, shighe un mkurem sha u a̱ lu orhemen u ior Av Iserael yô, ka wen una yima ior Av sha ikev i Mbafiliti ye; gadia M nenge ior Av, mliam vem kôndo ar her a Mo je.