1 Samuel 5:10 - ICIGHAN BIBILO

¹⁰ Nahan ve tindi areki u Aôndo hen Ekeron. Tsô er areki u Aôndo ar hen Ekeron yô, ior mba Ekeron genger imo, ve kaa er: Ve va a areki u Aôndo u Iserael ne hen vese, sha u va wuan se kua ior asev kpaa.

1 Samuel 5:10 Iomraidhean Croise

2 Samuel 7:9

man M lu a we her ape u zenden cii, M tim mbaihomov ou sha ishigh you kera cii; Me er iti you ia za gwa er iti i uzegembaiorov mba ve lu sha won nahan.

2 Utor 1:2

Ahashia osogh sha ian i sha kpoyou na u sha ken Samaria gba shin inya, nahan iyol nyoon un; tsô a tindi mbatyomov, a kaa a ve er: Za, za pine nen Baal-sebu aôndo u Ekeron ner, me war angev mbun kpa.

1 Kroniku 7:21

wan na Sabadi, wan na Shutela, wan na Eser kua Eleadi; ior mba Gati mba i mar ve ken tar la wua ve sha ci u ve sen sha u va kuran ve ilev yô.

Amoshi 1:8

Me tim mba ve tem ken Ashedodi kua wen u a lu a tôgh ku torough ken Ashekelon kpaa; Me naregh uwegh Agh sha Ekeron, man asande a Mbafiliti a a shi her la aa tim kera, kape Ter AÔNDO A kaa la.

Amoshi 6:2

Kar za nen ken Kalne, za nenge nen; keela kpa kar za nen hen Hamati u vesen, shi sen nen hen Gati u Mbafiliti; ve hemba doon a ityartor nginii? Shin tar ve hemba gbanger a tar wene?

Yosua 13:3

hii hen Shihor u a dondo a Igipiti zan zan za ar hen ikighirtar i Ekeron ken imbusutarimese la; i wa u ken tar u Mbakanaan je; utor mba Mbafiliti utaan: tor u Gasa man u Ashedodi man u Asekelon man u Gati man u Ekeron, man shi Mbaavi

Yosua 15:11

ikighir la due sha ikooso i uwo u Ekeron vegher u hen imbusutarimese la, ikighir la gese za hen Shikeron, i kar sha uwo u Baala, i due hen Yabenel; ikighir la za kure hen zegemnger;

Yosua 15:45

Ekeron man agar a na kua agar a kiriki a a kase a la;

Mbaajiriv 1:18

Yuda ngohol Gasa a tar na, man Asekelon a tar na, kua Ekeron a tar na kpaa.

1 Samuel 17:52

Tsô ior mba Iserael kua mba Yuda ve mough ve ger akenge, ve cir Mbafiliti ijime zan zan ve za ar hen Gati la, man hen ihinda i Ekeron. Mbafiliti mba i vihi ve ayol yô, ve gba sha gbenda u zan sha Sharaim zan zan za ar hen Gati kua Ekeron kpaa.

1 Samuel 5:11

Tsô ve kohol utor mba Mbafiliti cii, ve kaa er: tindi nen areki u Aôndo u Iserael ne a̱ hide hen ijiir na, a̱ de kera woo se a ior asev nahan ga. Gadia gar cii nzughul sha mcie je ar ken ku; uwegh ku Aôndo yuhwa kpishi heregh.

1 Samuel 5:9

Er ve va a mi keela yô, uwegh ku TER num gar la hingir nzughul nzughul cii; A tsaha ior mba hen gar la, mbakiriki kua mbavesen, imor due ve iyol.

1 Samuel 6:1

Areki u TER lu ken tar u Mbafiliti iwer itiankarihiar.