1 Samuel 4:11 - ICIGHAN BIBILO

¹¹ Man shi i ngohol areki u Aôndo; ônov mba Eli mba uhar mbala, Hofeni man Pinehashi kpaa, i wua ve.

1 Samuel 4:11 Iomraidhean Croise

Upasalmi 78:56

Nahan kpaa ve mee Aôndo ve hendan a Na, Un Uhembansha la; ve kera wa mbampase Nav iko ga,

Upasalmi 78:64

I wua upristi vev sha sanker; kasev mba côgholov vev kpaa, vaa ku ga.

Yesaia 3:11

Kwagh á tser iferor! Á kpe nan iyol ga, gadia kwagh u ave a nan a er la, á va er nan un nahan vough.

Yeremia 7:12

Shi za nen hen ijiir Yam i i lu ken Shilo la, henpe M na, iti Yam vande lun her tsuaa la, za nenge nen kwagh u M er i, sha ci u iferkwagh i ior Av Iserael la.

1 Samuel 2:31

Nenge ayange nga van a Me gber ikasewe you, man ikasewe i ya u teru, á kera zua a orbeenyol hen ya wou ga.

1 Samuel 2:32

Ú nenge ican i ia er ijiir Yam i teman la, shin er Una er Iserael akaadedoo nahan kpaa; ma orbeenyol kpaa nana kera lu hen ya wou mayange ga.

1 Samuel 2:34

Kwagh u una hingir we ikav yô, ka kwagh u una er Hofeni man Pinehashi, ônov ou mba uhar mbala: ve uhar cii vea kpe iyange i môm.

1 Samuel 3:12

Sha ayange la, Me kure kwagh a Eli u M er sha kwagh u ya na la cii, á hii sha mhii je zan zan mkur.

1 Samuel 4:21

Tsô a ii wan la iti er: Ikabodi, a kaa er: Icivir kar hen Iserael kera, sha ci u i ngohol areki u Aôndo, man sha ci u kwagh u ter u nom na kua nom na la kpaa.