1 Samuel 30:8 - ICIGHAN BIBILO

⁸ Davidi pine TER, er: Aluer me zenda ior mban ijime yô, me kohol ve kpa? A rumun A kaa a na er: Zenda; gadia mimi je ú kohol kpee, man ú yima ve kpaa.

1 Samuel 30:8 Iomraidhean Croise

Genese 14:16

Tsô a hide a akaa la cii; man Loti anngô na a akaa a na kpaa, a hide a mi; man kasev kua ior mbagenev kpaa.

2 Samuel 5:19

Tsô Davidi pine TER, kaa er: M̱ kôndo m̱ za nôngo ityav a Mbafiliti? Ú na ve sha ikev yam shinii? TER kaa a Davidi er: Kôndo; gadia Me na Mbafiliti sha ikev you kpee je.

2 Samuel 5:23

Zum u Davidi pine TER yô, A kaa er: De kende ga, wa nev ken ijime ve, tsô ú za ta num sha a ve hen atine a balsem.

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Ekesodu 15:9

Orihom kaa er: Me tôv me za kohol, me kar ishar; awashima wam una kure sha a ve, me tsuwa sanker wam; uwegh agh kua tim ve.

Numeri 27:21

Ka sha ishigh ki pristi Eleasar una tilen er a pinen ipasen i Urim sha ishigh ki TER sha ci na ye; ka sha imo na vea duen ye, shi ka sha imo na kpaa vea nyôron ye, un a Mbaiserael cii a na imôngo, ka ior cii je la

Mbaajiriv 20:18

Tsô Mbaiserael mough kôndo sha Betel, za pine ishima i Aôndo; ve kaa er: Ka unô ken vese vea vande zan sha u za nôngon ityav a Mbabenyamin? TER kaa er: Yuda a̱ vande.

Mbaajiriv 20:23

Tsô Mbaiserael kôndo za vaa sha ishigh ki TER zan zan iyange kar been, ve pine TER er: M̱ shi m̱ kporom, m̱ za nôngo ityav a Mbabenyamin anngôm la shinii? TER kaa er: Za, za nôngo ityav a na.

Mbaajiriv 20:28

man Pinehashi wan u Eleasar wan u Aron lu tilen sha ishigh ki areki hen ayange la), ve kaa er: M̱ shi m̱ due m̱ za nôngo ityav a anngôm Benyamin, shin m̱ de? TER kaa a ve er: Kôndo nen, gadia kper Me na un sha ikev you.

Mbaajiriv 8:4

Tsô Gidion va hen Yordan va per a ior deri utar mba ve lu a na imôngo la, ve vôr, nahan kpaa ve lu tôvon ve ityô.

1 Samuel 10:22

Nahan ve seer pinen TER er: Shin ma orgen ngu u nana shi á va heene? TER gema kaa er: Nenge, a yer ken uika.

1 Samuel 14:37

Tsô Saulu pine ishima i Aôndo, a kaa er: M̱ sen, m̱ zenda Mbafiliti ityô, shinii? Ú na ve sha ikev i Iserael shinii? Kpa A bugh un zwa sha iyange la ga.

1 Samuel 23:2

Nahan Davidi pine imo i TER, a kaa er: M̱ za, m̱ za wua Mbafiliti mban shinii? TER kaa a Davidi er: Za, za hemba Mbafiliti, yima Keila.

1 Samuel 23:4

Tsô Davidi shi pine imo i TER. TER kaa un er: Mough, sen shin Keila, gadia Me na Mbafiliti sha ikev you.

1 Samuel 28:6

Er Saulu pine TER yô, TER bugh un zwa ga, shin sha mnyam ma cien, shin sha Urim, shin sha uprofeti kpaa ga.

1 Samuel 30:18

Davidi ngohol akaa a Mbaamaleki ve kura la cii; Davidi yima kasev nav mba uhar mbala kpaa.

1 Samuel 30:19

Kwagh môm saa ve ga, u kiriki shin u vesen kpaa ga, shin ônov mba nomso shin mba kasev, shin ishar, shin nyityôkwagh i ve kura la kpaa ga; Davidi hide a mi cii.