1 Samuel 30:6 - ICIGHAN BIBILO

⁶ Ishima lu nyian Davidi tsung, gadia ior lu ôron er vea ta un awen; gadia asema vihi ior cii, hanma or sha ci u ônov mba nan mba nomso kua mba kasev; kpa Davidi taver ishima na ken TER, Aôndo na.

1 Samuel 30:6 Iomraidhean Croise

Genese 32:7

Nahan cier Yakob iyol kpishi, ishima gba nyian un; ior mba ve lu a na man akumaiyôngo kua ivo man abua kua urakumi kpaa, a pav ve akum ahar;

2 Samuel 17:8

Hushai shi kaa er: U fa teru a ior nav, ka anomaior je, man asema nga vihin ve hegen tsung er dwem u i ngohol un ônov ken toho yô; man teru kpaa ka or u fan ityav, una tsa a ior imôngo ga.

2 Utor 4:27

Va ar hen or u Aôndo sha igungu yô, a kôr un angahar, tsô Gehashi kporom er una mgbegha un kera; kpa or u Aôndo kaa er: De un; gadia ishima vihi un, man TER yerem kwagh la, A kaam ga.

Yobu 13:15

Shin Una wuam kpaa, me ver ishima sha a Na; nahan kpaa me kpelan ishô i zende wam sha ishigh Nagh je.

Upasalmi 116:10

M na jighjigh, zum u m ôr mer: Ican erem tsung la.

Upasalmi 138:3

Sha iyange i m yer U yô, U rumun, U taver mo, U nam agee ken ishima.

Upasalmi 18:2

TER ka vande wam man garutya wam, man Oryiman wam kpaa, ka Aôndo wam, vande wam u taver, ka sha a Na me suur ye, ka perutya wam man korough ku myom wam, man barwoogh wam kpaa.

Upasalmi 18:6

Ken mkighir u i kighir mo ne, m yila TER; m genger, imo, m yila Aôndo wam. A ungwa imo yam ken tempel Na, mliam am ma m vaa a Na la nyôr ken ato Na.

Upasalmi 25:17

Atsan a ken ishima yam seer a seer; dughum ken mbamzeyol av.

Upasalmi 27:14

Kegh TER, lu dông, ishima you i̱ taver; een, kegh TER. Ka Pasalmi u Davidi

Upasalmi 31:24

Lu nen dông, asema a en a̱ taver, ne cii mba ne veren ishima, ne keghen TER yô. Ka Pasalmi u Davidi. Ka ityesen

Upasalmi 42:11

Ishima yam ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 42:5

Ishima yam, ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 42:7

Iv ngi yilan iv sha ihuran i ugugul Ou; mbamkpianger man agôndoamnger a Ou karem sha, uvem.

Upasalmi 56:11

Ka sha Aôndo m suur ye, me cia ga, ka nyi man or á ereme?

Upasalmi 62:1

Ka her Aôndo tseegh uma wam a veren ashe ving ye; ka hen a Na myem wam a dugh ye.

Upasalmi 62:5

Ka her Aôndo tseegh ú ver ashe ving ye, we uma wam, gadia ka hen a Na man ishimaverenkeghen yam i lu ye.

Upasalmi 71:4

Aôndo wam, dughum sha ikev i iferor kera, sha ikev i or u lun a perapera ga, ipiraor.

Upasalmi 71:5

Gadia ka We je U lu ishimaverenkeghen yam ye, Terem, AÔNDO ka sha a We m suur ye, hii er m lu iyev la je.

Ekesodu 17:4

Tsô Mose vaa a TER, a kaa er: Me er a ior mban nana? Shi kpuaa tsô vea tam awen.

Anzaakaa 18:10

Iti i TER ka gôgôyou u taven u taver, orperapera ka nan yevese nan ta kimi, nan war.

Yesaia 25:4

Gadia U hingir ijiir i waren i mbaatsanev, ijiir i waren i oribanave ken ican i nan, ijiir i yeren uraahumbe man mure u yeren oo, gadia kumetan u uipirambaiorov ngu er uraahumbe u tan sha kpekpe yô.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Yona 2:2

A kaa er: M yila TER ken ican yam ne, man A ungwa imo yam; m genger imo ken iyav mbu Sheol je, U ungwa imo yam kpaa.

Numeri 14:10

Kpa ior cii kaa er, i̱ ta ve awen; tsô iengem i TER ande hen Mbaiserael cii, ken tenti u kohol ker la.

Mateu 21:9

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

Mateu 27:22

Pilatu kaa a ve er: Tsô m̱ er a Yesu u i yer er Kristu la nana? Ve cii ve kaa er: I̱ mande Un sha terankon!

YOHANE 8:59

Nahan ve tôô awen er vea ta Un; kpa Yesu ôso teghelee kar due ken tempel kera.

Mbaromanu 4:18

A na jighjigh sha ishimaverenkeghen ape ishimaverenkeghen ma i lu ga la, er una va hingir ter u akuraior er i vande kaan un nahan la er: Kape tsombor wou ua lu la.

Mbaromanu 4:20

A kera ta akpelan sha ityendezwa i Aôndo sha u una na jighjigh ga ze, kpa a taver sha jighjigh u nan, lu nan Aôndo icivir.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

2 Mbakorinte 1:6

Aluer se mba yan ican kpaa, ka sha u i̱ sur ne asema yô, man ka sha ci u myom wen kpaa. Aluer mba surun se ishima kpaa, ka sha ci u ishimasurun i i lu nan ne u ne̱ taver ishima a atsan a se kpaa se lu yan la.

2 Mbakorinte 4:8

Mba eren se ican sha hanma ian kpa i her se a her ga. Lan se ishima cii kpa se hunde ishima kera ga.

2 Mbakorinte 7:5

Gadia zum u se va nyôr ken Masedonia yô, iyol yase zua a ma mmem ga, se ya ican sha hanma kwagh cii: ken won yô, lu num, ken vanger yô gema lu mciem.

Mbaheberu 13:6

Nahan yô, se fatyô u kaan vangertiôr ser: Ter ka Orwasen mo, me kera cia ga, ka nyi je or á ereme?

Mbaajiriv 18:25

Nahan ônov mba Dan gema kaa a na er: De kera shi bughun zwa a vese ga, sha er ior mba vihin asema ve̱ de te num sha a we ve̱ woo u kua ior ou ga.

Mbaajiriv 20:22

Tsô mbautyav, ior mba Iserael, taver asema ayol a ve, ve shi ve samber ityav henpe ve vande samber ityav sha iyange i hiihii la.

1 Samuel 1:10

Yô, ishima lu vihin Hana, a gba sônon TER, vaan tsung.

1 Samuel 23:16

Tsô Yonatan wan u Saulu, mough za hen Davidi hen Horeshi, za taver un ishima ken Aôndo.

1 Samuel 28:15

Tsô Samuel kaa a Saulu er: Ka nyi u zem iyol, u kende a mo? Saulu gema kaa a na er: Kwagh tserem tsung, gadia Mbafiliti mba nôngon ityav a mo, man Aôndo kpaa A undum, mayange A kera bughum zwa ga, shin sha uprofeti, shin sha mnyam ma cien kpaa ga, ka nahan man m yer u mer, va pasem m fa kwagh u me er ye.