1 Samuel 3:9 - ICIGHAN BIBILO

⁹ Nahan Eli kaa a Samuel er: Hide, za yav; aluer Una yila u yô, kaa wer: TERE, gba ôron kwagh tsô, gadia wanakiriki Wou ngu ungwan.

1 Samuel 3:9 Iomraidhean Croise

Upasalmi 85:8

Me ungwa kwagh u Aôndo TER Una kaa yô, gadia ôron Na kwagh u bem a ior Nav, man a ior mba i doo Un a ve la; kpa ve̱ de kera shi hilen ken ibume ga.

Upasalmi 85:9

Mimi je, myom Na ngu ikua ikua a mbacian Un, sha er iengem ma i lu ken tar wase yô.

Ekesodu 20:19

Ve kaa a Mose er: We, gba ôron kwagh a vese tsô, kpa sé ungwa; i̱ de luun Aôndo A̱ ôron kwagh a vese ga, er sé kpe ga yô.

Yesaia 6:8

Tsô m ungwa imo i Ter lu kaan er: Ka an Me tindi nan, man ka an nana za sha ci Wasa? Tsô m kaa mer: Mo ne, tindim.

Daniel 10:19

A kaa er: De cie ga, we or u doon ishima tsung ne, lu bem bem, taver, een, taver. Er a lu ôron kwagh a mo nahan, maa m taver, nahan m kaa mer: Terem, gba ôron kwagh tsô, gadia u nam agee.

Aerenakaa A Mbaapostoli 9:6

Kpa mough sha, za nyôr ken gar, tsô á ôr u kwagh u a doo u ú er yô.

Yosua 5:14

Nan kaa er: Ei! Mo M ngu kur u ikumutya i TER; M va hegen. Tsô Yosua gure wa ityough inya, a sugh, a kaa a Nan er: Ka nyi i lu ter pe kaan wanakiriki Naa?

1 Samuel 3:10

Tsô TER va va tile, yila er ashighe agen nahan, er: Samuel! Samuel! Nahan Samuel kaa er: Gba ôron tsô, gadia wanakiriki wou ngu ungwan.

1 Samuel 3:8

Tsô TER shi yila Samuel kuma acin atar je. Nahan a mough a za hen Eli, a kaa er: M va ve, gadia u yilam. Tsô Eli kav er i lu TER A yer wanakiriki la yô.