1 Samuel 3:11 - ICIGHAN BIBILO

¹¹ Tsô TER kaa a Samuel er: Nenge, eren Yam kwagh ken Iserael u hanma or nana ungwa un yô, á hingir nan ken ato gbong.

1 Samuel 3:11 Iomraidhean Croise

2 Utor 21:12

nahan TER, Aôndo u Iserael, ngu kaan er: Nenge, Me va a ican sha Yerusalem kua Yuda, inja i hanma or u nana ungwa gwa u i yô, a hingir nan ken ato gbong.

Yobu 41:9

Nenge ishimaverenkeghen i gba gbilin; u nengen na tsô kpaa, ishima ia yina or gaa?

Yesaia 28:19

Hanma shighe u una kar cii, una kura ne kera; gadia una kar ayange ayange tugh kua tetan kpaa; u kaven kwagh u i pase la, á lu kwagh u cieryol kpen kpen.

Yesaia 29:14

nahan yô, nenge, shi Me er tom u kpilighyol hen ior mban, ka tom u kpilighyol man u cieryol, kwaghfan u mbafankwagh vev una saa ishe, man mkav u mbakavenkwagh vev kpaa una yer kera.

Yeremia 19:3

kaa wer: Ungwa nen kwaghôron u TER, ne utor mba Yuda, kua ne mba ne tem ken Yerusalem; TER u akum a Sha, Aôndo u Iserael, ngu kaan nahan er: Nenge, Me va a kwaghbo sha ijiir ne, u hanma or u nana ungwa un, ato á hura nan ker yô;

Habaku 1:5

Yô, nenge nen ken akuraior, ver nen asema, i̱ kpiligh ne iyol tsung je, gadia M ngu eren tom ugen ken ayange a en, u zum u á ôr ne u, né rumun u jighjigh ga yô.

Luka 21:26

asema aa yina ior sha mcie man sha mkegh u akaa a a lu van sha won la kpaa; gadia agee a a lu Sha la aa tenger.

Aerenakaa A Mbaapostoli 13:41

Nenge nen, ne mba ne lahan ne, i̱ kpiligh ne iyol, tim nen, gadia M ngu eren tom ugen ken ayange a en; ka tom u mayange né rumun u jighjigh ga yô, shin aluer orgen nana pase ne u je kpaa.

1 Samuel 3:10

Tsô TER va va tile, yila er ashighe agen nahan, er: Samuel! Samuel! Nahan Samuel kaa er: Gba ôron tsô, gadia wanakiriki wou ngu ungwan.

1 Samuel 4:10

Tsô Mbafiliti nôngo ityav, ityav hemba Iserael; hanma or yevese yem hen tenti u nan; i wua ior kpishi; gadia ken Iserael ior mba zan angahar kpe dubu ikundugber.