1 Samuel 26:5 - ICIGHAN BIBILO

⁵ Tsô Davidi mough, va henpe Saulu a haa afo la; Davidi nenge ijiir i Saulu a yav yô, kua Abiner wan u Ner, kurutya na kpaa; Saulu yav hen atô u afo a akekeautya, ior gema haa wa un atô.

1 Samuel 26:5 Iomraidhean Croise

2 Samuel 3:27

Mba za hidi a Abiner ken Heberon yô, Yoabi ta ibalegh a na hen hundagar er una ôr kwaghhuwa a na, tsô a maa a kuma un kwagh sha uya a kpe, sha ci u awambe a Asahel anngô na la.

1 Kroniku 9:39

Ner mar Kishi; Kishi gema mar Saulu; Saulu gema mar Yonatan man Malkishua man Abinadabi man Eshebaal.

1 Samuel 17:20

Nahan Davidi mough pepe pepe, undu iyôngo sha ikev i orkuranilev ugen, a tôô, a yem er Yese kaa un nahan; a za ar hen afo a akeke la, shighe u akumautya lu duen zan hen ijiir i nôngon ityav, eren akenge a utya la.

1 Samuel 17:55

Zum u Saulu nenge Davidi due sha u za nôngon a Orfiliti la yô, a pine kurutya na Abiner, er: Abiner, wanye ne ka wan u ana? Abiner kaa er: Mimi je, tor, er u lu uma ne m fa ga.

1 Samuel 26:4

Davidi tindi mbamkerev, nahan a fa er Saulu a ve mimi yô.

1 Samuel 9:1

Tsô orgen lu ken Benyamin, iti na er Kishi, wan u Abiel, wan u Seror, wan u Bekorati, wan u Afia, Orbenyamin, lu ornyar.