1 Samuel 26:21 - ICIGHAN BIBILO

²¹ Tsô Saulu kaa er: M er kwaghbo; hide wan wam Davidi, gadia me kera er u kwagh u vihin mayange ga, sha er uma wam a lu u a inja yum nyian nahan; nenge m bume, m nzughul kwagh kpishi je.

1 Samuel 26:21 Iomraidhean Croise

2 Utor 1:13

Shi a tindi orhementyav ugen u lun a ior akunduahargber sha ikev, u sha kwa tar, a ior nav akunduahargber la. Un orhementyav u ior akunduahargber, u sha utar la, kôndo va gure sha ishigh ki Eliya, a zamber a na, a kaa a na er: Or u Aôndo, uma wam kua uma u mbayev ou akunduahargber mban, a̱ shi lu kwagh u injaa sha ashe ou.

2 Utor 1:14

Nenge, usu sen Sha va hia mbahemen ityav mba uhar mba lun a ior akunduahargber akunduahargber sha ikev, mba tsuaa la, a ior vev mba akunduahargber mbala; yô uma wam a̱ shi lu kwagh u injaa sha ishigh you.

Upasalmi 116:15

Sha ishigh ki TER yô, ku u uicighan Nav ka kwagh u injaa kpishi.

Upasalmi 49:8

—gadia mpaa u uma ve taver ishe tsô, yina gbem sha won—

Upasalmi 72:14

Una paa uma ve sha mkighir man ipila; awambe a ve aa lu kwagh u injaa sha ishigh nagh.

Ekesodu 9:27

Tsô Farao tindi, i yila Mose vea Aron, a kaa a ve er: Hen shighe ne yô, m er kwaghbo; ka TER A lu a ishô ye, mo kua ior av se mba a ibo.

Numeri 22:34

Tsô Balaam kaa a Ortyom u TER la er: M er isholibo, gadia m fa er We U til sha gbenda sha u hendan a mo ga; yô, ahegen, aluer a doo U ga yô, me hide ijime.

Mateu 27:4

a kaa er: M er isholibo sha er m nenge mker sha awambe a or u ishôôgh yô. Kpa ve kaa er: Kwagh wase ngu sha mi hana? Mase shin kwagh wou tsô.

1 Samuel 13:13

Samuel kaa a Saulu er: U er ibumekwagh; u wa kwagh u TER, Aôndo wou, A kaa u la iko ga; gadia TER ma A ver tartor wou sha Iserael ma u taver gbem.

1 Samuel 15:24

Tsô Saulu kaa a Samuel er: M er kwaghbo; gadia m wa imo i TER kua akaaôron a ou iko ga, sha ci u m cie ior, m er sha imo ve yô.

1 Samuel 15:30

Tsô a kaa er: M er kwaghbo; nahan kpaa shi civir mo sha ishigh ki mbatamen mba ior av kua sha ishigh ki Iserael kpaa, gema hide a mo sha er me za sôn TER, Aôndo wou, yô.

1 Samuel 18:30

Tsô atiator a Mbafiliti due; nahan hanma shighe u vea due yô, kwagh a hemba laghen Davidi a mbayev mba Saulu cii, je iti na za gwa kpishi.

1 Samuel 24:17

A kaa a Davidi er: U hembam perapera, gadia u er a mo doo doo, kpa mo yô, m er a we dang.

1 Samuel 26:22

Nahan Davidi gema kaa er: Nenge, iwange i tor ngin! Tindi wanye, nana̱ va ngohol i.

1 Samuel 26:24

Nenge, er uma wou a lum kwagh u injaa yum nyian yô, kape uma wam kpaa ma a lu TER kwagh u injaa ma A yemem ken atsan am cii.

1 Samuel 27:4

Tsô i kaa Saulu er Davidi a yevese a yem ken Gati yô; nahan a kera za ker un ga.