1 Samuel 26:10 - ICIGHAN BIBILO

¹⁰ Davidi gema kaa er: Er TER A lu u uma ne, TER Una tsaha un, gayô, iyange i kuugh na ia va, shin una za kpe ken utya.

1 Samuel 26:10 Iomraidhean Croise

Genese 47:29

Er kuma pe Iserael una kpe yô, a yila wan na Yosev a kaa a na er: Aluer a doo u a mo yô, shi pendam uwegh hen ikooso yôô, er a mo dedoo kua sha mimi kpaa; ma u iim ken Igipiti ga;

Yobu 14:14

Aluer or á kpe yô, shi nana lu uma? Nahan sha ayange a mnenge u sha ican yam ne cii me kegh me veren ashe, zan zan mdugh wam una kar kuman.

Yobu 14:5

Er i ver or ayange a nan yô, iyenge i iwer i nan kpaa ngi hen a We, shi U ver nan ikighir i nana fatyô u karen i ga yô;

Yobu 7:1

Or nenge sha ican sha won gaa? Ayange a nan kpaa kera nga er a or u eren tom sha tôndo nahan gaa?

Upasalmi 37:10

Gadia shi côhin tsô iferor á kera lu ga; mimi je, ú nenge sha ijiir i nan, nan nan kpaa, nana lu ga.

Upasalmi 37:13

TER Una se nan, gadia A nenge shighe u nan ngu van.

Upasalmi 94:23

Una hide a aferakaa a ve sha ityough vev, Una tim ve ken iferkwagh ve kera; TER, Aôndo wase, Una tim ve kera.

Orpasenkwagh 3:2

Shighe u maren ngu, man shighe u kpen, shighe u môôr kwagh, man shighe u wuhen kwagh u i môôr la kera;

Luka 18:7

Man hire Aôndo Una kera kure ijir sha ci u uicuwan Nav mba ve ve a mliam hen Na tugh man tetan ga yee, shin er A timbir sha kwagh ve yum nahan kpaa.

Mbaromanu 12:19

Ne mbadoon mo ishima, de oron nen iyev sha kwagh wen ga, kpa na nen iyugh i Aôndo ian, gadia i nger er: Ka Mo Me or iyev ye, ka Mo Me kimbi ye, kape Ter A kaa la.

Duteronomi 31:14

Tsô TER kaa a Mose er: Ayange ou a ú kpe, mgbôghom ve; yô, yila Yosua, za nen ken tenti u kohol ker la, Me wa un kwagh. Nahan Mose vea Yosua ve za, ve za tile ken tenti u kohol ker la.

Duteronomi 32:35

Iyevoron ka i Yam man mkimbi kpaa, shighe u nguhar ve ua lyemen yô; gadia iyange i ican i mtim ve kuma ve, akaa a á va tser ve la, aa va fese je.

Mbaheberu 10:30

Gadia se fa Un u A kaa er: Ka Mo je iyev i oron i lu i Yam ye, ka Mo Me na injar ye, man shi: Ter Una ôr nongoior Na ijir je.

Mbaheberu 9:27

Er i ver ior u kpen kwa môm man á mase ôron ijir yô,

Mpase U Yohane 18:8

Sha ci u nahan yô, atsan a na aa va shire sha a na iyange i môm je. Ka ku man ijungwen man ijen kpaa, á nande un sha usu kpaa. Gadia Ter Aôndo u A lu ôron un ijir la ka u ageegh je.

1 Samuel 24:12

Yô, TER A̱ kure kwagh wam vea we ne, man shi TER A̱ or u iyev sha ci wam; kpa uwegh agh yô, kua bende sha a we ga.

1 Samuel 24:15

Yô, TER A̱ lu orjir, A̱ kure kwagh wam vea we ne; A̱ nenge, A̱ ôr kwagh wam, A̱ yimam sha ikev you.

1 Samuel 25:26

Hegen yô, terem, mimi je, er TER A lu u uma ne, man we kpaa u lu uma ne yô, ka TER A yange u ike i awambe man iyevoron sha uwegh ough iyol you ye; yô, mbaihomov ou man mba ve keren terem a ifer la, ve̱ hingir er Nabal nahan.

1 Samuel 25:38

Tsô, ayange nga kar er pue nahan, TER tsaha Nabal maa a kpe.

1 Samuel 25:39

Er Davidi ungwa er Nabal a kpe yô, a kaa er: I̱ wuese TER u A kurum ijir sha ilyahan i Nabal a laham a mi la, man A yange wanye Na u eren ifer kpaa yô; kpa TER hide a ifer i Nabal sha ityough nagh. Nahan Davidi tindi i ôr kwagh a Abigail, er sar un pe eren un.

1 Samuel 31:4

Tsô Saulu kaa a or u tilin un ikav mbi tswamev la er: Tsuwa sanker wou kuman i̱ due keela, sha er mbaipusuv mban ve̱ de va komom ve̱ heen mo ga. Kpa or u tilin un ikav mbi tswamev la venda, gadia cier un iyol yum. Nahan Saulu ngohol sanker na, ta sha mi pov.

1 Samuel 31:6

Kape Saulu kpe a ônov nav utar, man or u tilin un ikav mbi tswamev kua ior nav cii sha iyange i môm la.