1 Samuel 23:6 - ICIGHAN BIBILO

⁶ Tsô shighe u Abiatar, wan u Ahimeleki, yevese va hen Davidi ken Keila la, a lu a efodi.

1 Samuel 23:6 Iomraidhean Croise

1 Utor 2:26

Shi tor kaa a pristi Abiatar er: Yem ken Anatoti, ken tar wou, gayô, u kuma ku, kpa me wua u hen shighe ne ga, gadia u tôô areki u Ter AÔNDO sha ishigh ki terem Davidi je, man shi u ya ican a terem ityô kpaa.

Ekesodu 28:6

Ve̱ er efodi sha zenaria man sha ikondo i kwel man i nyian dindee man i nyian bong man ikondo i pupuu i kôngor i sha mou u sendan, i̱ lu or u fan eev nana̱ er ye.

1 Samuel 14:18

Tsô Saulu kaa a Ahia er: Va a areki u Aôndo heen. Gadia her ayange la areki u Aôndo lu ken Iserael.

1 Samuel 14:3

Ahia wan u Ahitubi, anngô u Ikabodi, wan u Pinehashi, wan u Eli, pristi u TER ken Shilo, haa efodi. Kpa ior kera fa er Yonatan a yem ga.

1 Samuel 22:20

Kpa wan u Ahimeleki, wan u Ahitubi, ugen u i yila er Abiatar la, war, yevese yem hen Davidi.

1 Samuel 23:2

Nahan Davidi pine imo i TER, a kaa er: M̱ za, m̱ za wua Mbafiliti mban shinii? TER kaa a Davidi er: Za, za hemba Mbafiliti, yima Keila.

1 Samuel 23:5

Nahan Davidi kua ior nav ve za hen Keila, ve za nôngo ityav a Mbafiliti, ve za kula ve ilev, ve wua ve kpishi. Kape Davidi yima mba ve lu ken Keila la.

1 Samuel 23:7

Tsô i va ôr Saulu er, Davidi va hen Keila. Nahan Saulu kaa er: Aôndo na un sha ikev yam kera ve; gadia a wuhe iyol na je, er a nyer ken gar u lun a ihinda i iyôô kua uishindan mba iyôôv yô.

1 Samuel 23:9

Kpa Davidi fa er Saulu a we kwaghbo ishima a na yô, nahan a kaa a pristi Abiatar er: Va a efodi heen.

1 Samuel 30:7

Tsô Davidi kaa a pristi Abiatar, wan u Ahimeleki er: Shi vam a efodi. Nahan Abiatar tôô efodi va na Davidi.