1 Samuel 23:1 - ICIGHAN BIBILO

¹ Tsô i kaa a Davidi er: Nenge, Mbafiliti mba nôngon ityav a Keila, mba va kuran ve akaa sha avande a gbiren alakema.

1 Samuel 23:1 Iomraidhean Croise

Daniel 2:35

Tsô hen shighe la je, i hembe iyôgh ki iligh man inyatyuu man togula man azurfa man zenaria cii, hingir er ka imough i sha vande u gbidyen iyiagh inyom yô; ahumbe purugh a mi kera, je avindigh a i tsô kpaa kera lu ga, man iwen i i te sha eev mbula gema hingir zegewo, iv tar cii.

Levitiku 26:16

Mo Me er a ven, Me ta ne mciem iyol, houghbar una kôr u kua angev mbu tseeyol; mbua hungwa u ashe ikôr, mbua na asema a en aa ure; né lôôn ivor yen, kpa á lu gbilin tsô, gadia ka mbaihomov enev vea va ya i ye.

Mika 6:15

Ú lôô, kpa ú sunda ga; ú shoghol atam a olev, kpa ú ishi mkurem nam ga; ú shoghol atam a wain, kpa ú ma zar na ga.

Duteronomi 28:33

Iyiagh ki sule wou man tom wou u ican cii, ikurior igen i u fe i ga, ia ya; kpa we yô, á gbaa kighir we eren we ican gbem tsô;

Duteronomi 28:51

ia ya ônov mba ilev you man iyiagh ki hen tar wou zan zan ú tim; ia de u iyiagh shin wain shin mkurem shin ônov mba ibuav ou shin ônov mba iyôngov ou kpaa ga, zan zan ia tim u kera.

Yosua 15:44

man Keila man Akeshibi man Maresha; agar ataankaranyiin kua agar a kiriki a a kase a la.

Mbaajiriv 6:11

Tsô Ortyom u TER va, va tema hen itinekon i terebin i i lu hen Ofera, i Yoashi, Orabieser la, hen shighe la wan na Gidion gema lu gbidyen alakema ken ihungwa i shoghol wain, sha u yeren Mbamidian a mi.

Mbaajiriv 6:4

ve haa afoautya hen ve, ve vihi ve iyiav zan zan za nyôr hen Gasa; ve undu ma kwaghyan ken Iserael ga, shin iyôngo, shin bua, shin jaki kpaa ga.