1 Samuel 22:7 - ICIGHAN BIBILO

⁷ Tsô Saulu kaa a mbayev nav mba ve kase un la er: Ungwa nen ase, ne Mbabenyamin; wan u Yese ne, una na hanmô wen ishule man ikon i wain, una ver ne cii né hingir mbahemenev mba hemen ior dubu dubu man mbahemenev mba hemen ior deri deri,

1 Samuel 22:7 Iomraidhean Croise

2 Samuel 18:1

Tsô Davidi ôr iyenge i ior mba ve lu a na la, a ver mbahemenev mba hemen ior dubu dubu man mbahemenev mba hemen ior deri deri.

2 Samuel 20:1

Tsô gbilinor ugen lu her, iti na er Sheba wan u Bikeri, Orbenyamin; a tôngo korough a kaa er: Se mba a ci ken Davidi ga; man se mba a dyako ken wan u Yese kpaa ga; yô, hanma or nana̱ hide hen tenti u nan, ne Iserael.

1 Utor 12:16

Zum u Iserael cii ve nenge er tor wa ve iko ga yô, ior gema kaa a tor er: Kwar wase shi ngu ken Davidi hana? Se kera mba a dyako ken wan u Yese kpaa ga; hide nen hen utenti enev ne Iserael; yô, gba nôngon sha ya wou iyol you tsô Davidi. Nahan Iserael hembe yem hen utenti vev.

1 Kroniku 12:16

Tsô ônov mba Benyamin mbagenev kua mba Yuda kpaa va hen Davidi hen garutya.

Yesaia 11:1

Iceren una tser sha ikpughur u Yese, gbaa una due ken amise na, una ume atam je;

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

1 Samuel 18:14

Davidi yô, eren akaa a na cii luun sha mi vough; TER kpa lu a na.

1 Samuel 20:27

Tsô kper nan gen u wer u he la, lu ayange ahar la, ijiir i Davidi i teman lu gbilin her tsô. Nahan Saulu pine wan na Yonatan er: I er nan man wan u Yese ne a ve hen kwaghyan ga, nyen kpaa kua nyian kpaa nahana?

1 Samuel 20:30

Tsô ishima gba vihin Saulu a Yonatan tsung, a kaa a na er: We dang wan u hemban ato ne, m vande fan er u tsough wan u Yese sha u ú za due sha kunya wou iyol you kua kunya u idyelegh u ngôu kpaa ga?

1 Samuel 22:13

Saulu pine un er: Inja na nan man ne zough zwa sha a mo, we man wan u Yese, sha er u ne un bredi kua sanker, shi u sen Aôndo sha ci na, sha u a̱ hendan a mo, a̱ yer a keghen mo, er i lu nyian nahana?

1 Samuel 22:9

Tsô Doegi, Oredom, u a tile a dondo a mbayev mba Saulu la, gema kaa er: M nenge a wan u Yese lu van ken Nobu hen Ahimeleki wan u Ahitubi.

1 Samuel 25:10

Tsô Nabal gema kaa a mbayev mba Davidi er: Ka an nan lu Davidi? Man ka an nan lu wan u Yese? Ikpan ngee hen ayange ne, i i yevese uter vev yô.