1 Samuel 2:30 - ICIGHAN BIBILO

³⁰ Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.

1 Samuel 2:30 Iomraidhean Croise

1 Utor 11:11

Nahan TER kaa a Solomon er: Er u er nahan, u we iko sha ikuryan Yam man akaawan a Am, a M we u la ga yô, mimi je, Me tsuwe tor her a we kera, Me na wanakiriki wou.

1 Utor 2:27

Kape Solomon zenda Abiatar dugh un ken tom u pristi u TER la; sha er kwaghôron u TER lu kaa sha ya u Eli ken Shilo la, a̱ kure sha mi vough.

1 Kroniku 17:18

Ka nyi je Davidi una shi á seer kaan We sha kwagh u icivir i U ne wanakiriki Wou ne? Gadia U fa wanakiriki Wou.

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

2 Kroniku 26:18

ve hendan a tor Ushia, ve kaa a na er: Ushia, u nanden TER kwaghhumandoon ne, ka kwagh wou ga, saa upristi, ônov mba Aron mba i tsegha ve er ve̱ nanden kwaghhumandoon la; due ken icighanjiir ne kera, gadia u per tindi; man kwagh ne kpaa ú zua a icivir hen TER Aôndo ga.

Upasalmi 18:20

TER er a mo vough sha mlu wam u perapera, A nam injar sha mwanger u ave am;

Upasalmi 18:26

or u wang kpaa, U tese nan iyol You er U lu wang yô; kpa or u nan lu ormimi ga yô, U shi U tese nan di ishimanyoon You je.

Upasalmi 50:23

Hanma or u nan ne nagh ku ishughun yô, nan ngu civir Mo; or u nan ser gbenda u nan yô, Me tese nan myom u Aôndo. Ngun ka sha ci u orhemen u mbawanatsam. Ka Pasalmi u Davidi a dugh, zum u profeti Natan va her a na er a vande eren kwaghbo a Batesheba kera la

Upasalmi 73:20

Er mnyam ma cien ma lu nahan, zum u or ka nan nder kera la, kape, Tere, zum u U mough sha yô, U laha mlu ve la.

Upasalmi 91:14

Er M doo un ishima tsung yô, ka nahan man Me war un ye; Me kende un sha, sha ci u a fe iti Yam yô.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Ekesodu 28:43

Aron man ônov nav ve̱ huwan a shighe u vea nyôron ken tenti u kohol ker la, shin shighe u vea kporom hen atse sha u eren tom ken icighanjiir, sha u ve̱ de kpel ibo, ve̱ kpeen ga yô; i̱ lu un tindi u gbem kua tsombor na u ken ijime na.

Ekesodu 29:9

Kange ve atsar shin awenge, Aron a ônov nav; cir ve ader sha ityou; tom u pristi u̱ lu u ve sha tindi gbem sha won; kape ú ver Aron a ônov nav sha tom je la.

Anzaakaa 12:8

A wuese or sha kwaghfan u nan, kpa or u lun a ishima i dang yô, á laha nan.

Anzaakaa 4:8

Kende un sha, nahan una za a we hemen, una na u icivir, aluer wea kuve un yô.

Anzaakaa 8:17

Mba m doo ve ishima la, mo kpaa ve doom ishima; mba ve keren mo sha gbashima yô, vea zua a mo.

Yesaia 29:13

Ter kaa er: Er ior ne ve kporom her a Mo sha zwa ve, man ve civir Mo sha ityumbujôôgh ve, kpa asema a ve gema gba ca a mo man mciem ma ve lu cian Mo kpaa ka tindi u ior u i tese ve a tese tsô,

Yeremia 29:32

nahan yô, TER ngu kaan nahan er: Nenge, Me tsaha Shemaia Ornehelam kua tsombor na; una lu a ma or u nana tema ken ior mban ga, man shi una nenge a kwagh u dedoo u Mea er a ior Av kpaa ga, kape Ter A kaa ne gadia a tese er i̱ hendan kwagh a Ter.

Yeremia 49:15

Gadia, nenge, M gema u, u hingir kwagh u kiriki ken akuraior, man kwagh u lahan hen ior.

Esekiel 34:10

Ter AÔNDO ngu kaan nahan er: Nenge, M ngu num a mbakuranilev; Me ker iyôngo Yam hen a ve, Me kera rumun Mer ve̱ lu mbakosoniyôngo ga; mbakuranilev kpaa vea kera koso ayol a ve ga; Me yima iyôngo Yam sha zwa ve, sha u i̱ de kera luun kwaghyan ve ga yô.

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Malaki 2:3

Nenge, Me tôndo tsombor wou, Me mishi ne icômbov sha ishi, ka icômbov mbi iniav mbi uiniongo enev je la; á yem a ven henpe mbi lu la.

Numeri 11:20

kpa á lu uwer jimin zan zan ia due ne ishima, ia ndôhôr ne ishima kpaa, sha ci u ne vende TER u A lu hen atô wen, ne vaa sha ishigh Nagh ne kaa ner: Ka nyi yan se due ken Igipiti nahana?

Numeri 35:34

De hôngor nen a tar u ne tem ker, u Mo M tem hen atô u u ne ga; gadia Mo TER M tema hen atô u Mbaiserael.

YOHANE 12:26

Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

YOHANE 5:23

sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

YOHANE 5:44

Ne er nan man ne na jighjigh, ne mba ne rumun icivir i her ayol a en la, kpa icivir i i dugh her Aôndo u A lu tswen yô, ne keren ga?

YOHANE 8:49

Yesu gema kaa er: M ngu a jijingi u bo ga, kpa M civir Terem, man ne gema ne mba lahan Mo.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

Mbaajiriv 9:10

Tsô ikon gema kaa a tur er: Yô, we va, tema tor wase.