1 Samuel 2:25 - ICIGHAN BIBILO

²⁵ Aluer or nan er orgen isholibo yô, Aôndo Una ôr nan ijir; kpa aluer or nana er Aôndo isholibo yô, ka an nana sôn sha ci u nana? Nahan kpaa ve wa iko sha imo i ter ve ga, gadia TER ver ishima u timin ve.

1 Samuel 2:25 Iomraidhean Croise

Genese 38:10

Kwagh u a er la lu kwagh u vihin sha ishigh ki TER; nahan un kpaa A wua un.

Genese 38:7

Kpa Er, waniunda u Yuda la, inja na doo TER ga, nahan TER wua un.

1 Utor 8:31

Aluer or nana er or u nan we ndor a nan kwaghbo, man i ver nan mbum er nana̱ bum, man nana va bum sha ishigh ki atse Ou a nanden nagh sha mi ken iyou ne yô,

1 Utor 8:32

ungwa Sha, er sha mi, ôr ijir i mbayev Ou, na iferor ibo, hide nan a ieren i nan sha ityough ki nan; man gema na or u mimi ishô, er a nan sha mimi u nan la.

2 Kroniku 10:15

Kape tor wa ior iko ga la; gadia lu sha awashima u Aôndo je, sha er TER Una kure kwaghôron Na u Ahiya Orshilon ôr a Yerobiam wan u Nebati sha imo i TER la.

2 Kroniku 25:16

Tsô, ngur ôron kwagh a na yô, tor kaa a na er: Se ver u or u henen kwagh a toro? Kighir je; i̱ wua u keng, ka nyi? Tsô profeti la kighir je, kaa er: M fa Aôndo vande veren ishima sha u timin we, sha ci u u er kwagh ne, man shi sha ci u u kera ver ato sha kwaghôron wam kpaa ga yô.

Yobu 9:33

Ma or u been se anyiman nan ngu u nana penda ave a nan sha a vese, se mba uhar mban nan ngu ga.

Upasalmi 51:16

Saan We ken ishima a nagh ku sôngon ga, gayô ma m ne ku; nagh ku nanden kpaa doo U ga.

Upasalmi 51:4

Ka We tseegh, m er U isholibo ye, m er kwagh u a lu u bo sha ishigh You; sha er Ú lu a ishô zum u U ôron kwagh, Ú lu wang zum u U lu ôron ijir la.

Anzaakaa 13:1

Wan u fan kwagh nan rumun ityesen i ter u nan, kpa orpuunakaa nan rumun myange ga.

Anzaakaa 15:10

Mtsaha u nyoon ngu sha ci u or u nan undu gbenda yô, or u nan vende myange yô, ka ku nana kpe ye.

Anzaakaa 29:1

Or u i kôôm nan gbem kpa nan nembe ikôr her yô, á sombo nan fese, mwar á kera lu ga.

Orpasenkwagh 3:3

shighe u wuan ngu, man shighe u waren; shighe u yôhôl, man shighe u maan kpaa;

Numeri 15:30

Kpa aluer hanma or nana er ma kwagh sha apera, shin a lu or u hen tar la jim shin a lu shiror kpaa, nan ngu lahan TER; or la i̱ dugh nan ken nongo u nan kera;

Duteronomi 1:17

Sha ijirôron kpaa, de hembe wan nen orgen iko a orgen ga, or u ikoogh ga kpaa, waan nen nan iko vough er or u ikoogh nahan, de cie nen or ashe ga, gadia ijir ka i Aôndo; kwagh u a hembe ne yô, va nen a mi her a mo, mo me ungwa un.

Duteronomi 2:30

Kpa Shihon tor u Heshebon rumun u se̱ kar her a na ga, gadia TER, Aôndo wou, taver jijingi na, cighir un ishima kpaa, sha u Una na un sha ikev you er i lu nyian nahan.

1 Timoteu 2:5

Gadia Aôndo ngu môm tsô, Orhimen u her atô u Aôndo a ior kpaa ngu môm, ka or, ka Kristu Yesu

Mbaheberu 10:26

Aluer se mba eren asorabo sha apera zum u se ngohol mfe u mimi la kera yô, ma nagh sha ci u asorabo kera ku ga,

Mbaheberu 10:27

kpa kwagh u i lu masen keghen yô cier iyol, ka ijirôron kua igyamusu i ia hia mbahendan mbala kera yô.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

Yosua 11:20

Gadia ka TER je, A cighir ve asema er ve̱ mough ityav a Iserael sha er ve̱ tim ve ci ca cii, ve̱ de ker mhôônom ga yô, kpa ve̱ tim ve, er TER kaa a Mose nahan.

1 Samuel 3:14

Nahan yô, M bum a ya u Eli, ibo i ya u Eli á kera ese i sha nagh ku sôngon shin nagh ku sha samuyia kpaa mayange ga.