1 Samuel 2:16 - ICIGHAN BIBILO

¹⁶ Man aluer or la nana kaa a na er: Saa á vande nanden ahôm la kpee man ú pande kwagh u a sar u yô, a gema a kaa a nan er: Ei, nam hegen je, ga yô, me ngohol sha apera.

1 Samuel 2:16 Iomraidhean Croise

Nehemia 5:15

Kpa ugomna mba ve vande teman a mo yô, ve yuhwan ior ikav, ve ngohol bredi man wain her a ve, man shi azurfa ushekel akunduahar; mbatomov vev kpaa lu eren tahav sha ior; kpa mo yô, m er nahan ga, sha ci u cian Aôndo.

Levitiku 3:16

Pristi a̱ gema cii, a̱ nande a sha atse; ka kwaghyan u nagh ku usugh ku human doon je la; ahôm cii ka a TER.

Mika 3:5

Kape TER A ôr sha kwagh u uprofeti mba ve ne ior Av icumen la, mba zum u ka vea nyuma kwagh sha anyi a ve, ve genger imo er: Bem; kpa u nan we ve kwaghyan ken zwa ga la, ve gema ve suwe ityav a nan.

Mbaajiriv 18:25

Nahan ônov mba Dan gema kaa a na er: De kera shi bughun zwa a vese ga, sha er ior mba vihin asema ve̱ de te num sha a we ve̱ woo u kua ior ou ga.

1 Samuel 2:15

Een, er ve lu a nande ahôm ga je kpaa, wanye u pristi la a va a va kaa a or u nan nagh la er: Na inyam i á mgbagh sha ci u pristi yô; gadia una ngohol i jiidi her a we ga, saa i kô.

1 Samuel 2:17

Isholibo i mbayevikaior mbala, i kehe kpishi sha ishigh ki TER; gadia ior gema lu lahan nagh ku TER.