1 Samuel 2:12 - ICIGHAN BIBILO

¹² Kpa ônov mba Eli, lu udangmbaiorov, ve fa TER ga.

1 Samuel 2:12 Iomraidhean Croise

1 Utor 21:10

shi ver ior uhar, agbilinaior, sha ishigh nagh, ve̱ er shiada sha a na, ve̱ kaa er: U tuhwa Aôndo kua tor. Yô, due a na ken won, za ta un awen, a̱ kpe.

1 Utor 21:13

Tsô ior ihiar, agbilinaior, ve nyôr ve tema sha ishigh nagh; ve agbilinaior la, ve gba eren shiada sha a na, ka sha Naboti je la, sha ishigh ki iorough, ve kaa er: Naboti tuhwa Aôndo kua tor. Tsô maa ve due a na ken won ken akôngo a gar, ve za ta un awen, a kpe.

Yeremia 2:8

Upristi ve kera pine er: TER ngu hana? ga. Mbaeren tom u atindigh kpaa ve fam ga; mbatarev kpaa per atindi a Am; uprofeti kpaa ôr kwagh sha Baal, man ve dondo sha akaa a a fatyô u nan or ma kwagh u injaa ga yô.

Yeremia 22:16

A wa iko sha ijir i mbaatsanev kua mbaibanave, nahan tar doo. Kera ka u fan Mo je la gaa? Kape TER A kaa ne.

Yeremia 9:3

Ka ve henda nombor ve er ka ada u aiegh nahan, ve taver hen tar la, kpa lu sha mimi ga, gadia mba zan hemen hemen sha ifer, kpa Mo yô, ve kera fam ga, kape TER A kaa ne.

Yeremia 9:6

Ya wou ngu ken atô u icugh, sha ci u icugh ve yô, ve venda u fan Mo, kape TER A kaa ne.

Esekiel 22:26

Upristi nav vihi atindi a Am, ve hôngor a uicighanmbaakaav Av; ve kera pav icighankwagh kposo a kwagh u a lu u tseghan ga la, ga; man shi ve tese ior u kaven mkposo u kwagh u a lu wang ga, a kwagh u a lu wang la, ga; man ve kusu ashe ve sha ayange a memen a Am; i laham, i kera civir Mo ker atô ve ga.

YOHANE 16:3

Akaa angan vea er sha ci u ve fe Ter ga, Mo kpaa ve fem ga yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 8:55

Kpa ne fa Un ga; Mo yô, M fa Un; aluer Mea kaa Mer; M fa Un ga yô, ma M hingir oraie er ne nahan je; kpa M fa Un, shi M we kwaghôron Na iko kpaa.

Mbaromanu 1:21

shin er ve fe Aôndo nahan kpaa ve civir Un er ka Aôndo nahan ga, ve sugh Un kpaa ga, mbamhen vev hingir gbilin, asema a ve a lanen kwagh la gema wa ime.

2 Mbakorinte 6:15

Ka nyi i zough Kristu a Belial la? Shin ka sha nyi man kwagh u or u nan ne jighjigh a zua a u nan ne jighjigh ga laa?

Duteronomi 13:13

Agbilinaior agen due ken a we je ve urugh mba ken gar ve, mba kaan er; Sé za nen, sé za dondo nen mbaaôndo mbagenev mba ne fe ve ga yô,

Duteronomi 13:14

yô, time kwagh la, tôv, pine dedoo, aluer kwagh la una lu nahan mimi keng je, er i er kwagh u ihôngorough ne ken a we yô,

Mbaajiriv 19:22

Er ve lu her saan saan la yô, udangmbaiorov mba hen gar la va kase iyou la, gba tan ave sha hunda; ve ôr kwagh a orya, tamenor la, ve kaa er: Due a or u a nyer hen ya wou ne, se̱ nzughul a na.

Mbaajiriv 2:10

I magh kov la cii a uter vev; tsô kov ugen mough ken ijime ve, u u fe TER kua tom u A er sha ci u Iserael ga yô.

1 Samuel 10:27

Kpa udangmbaiorov mbagenev gema kaa er: Á er nan man or ne una yima se? Nahan ve laha un, ve va sugh un a ma kwagh ga; kpa un yô, lu ving.

1 Samuel 25:17

Hegen yô, hen, fa kwagh u ú er yô, gadia i wa ishima u eren ter wase kwagh u vihin kua ya na cii kpaa; gadia un ka gbilinor je, gande u á ôr kwagh a na.

1 Samuel 3:13

Gadia M kaa un Mer, Me ôr ya na ijir gbem sha ci u kwaghbo u a fe la; gadia ônov nav ve va a ifan sha ayol a ve, kpa a yange ve ga.

1 Samuel 3:7

Samuel lu a vande fan TER ga, man shi i lu a pase un kwaghôron u TER kpaa ga.