1 Samuel 19:5 - ICIGHAN BIBILO

⁵ gadia a wa uma na iko ga, a hemba Orfiliti la, nahan TER na Iserael cii mhembe tseer tseer, we kpaa u nenge, u ember je; man ka nyi ú tôô ike i awambe a or u ishôôgh, ú wua Davidi a ityôikaa ga?

1 Samuel 19:5 Iomraidhean Croise

2 Samuel 23:10

a mough a tile sha, a wua Mbafiliti zan zan uwegh kpe un, uwegh nagh var sha sanker na kpaa; TER na zegemhembe sha iyange la; ior mase van un ijime sha u va yan ishar tseegh.

1 Kroniku 11:14

Kpa ve za tile her atô u sule la, ve sendegh her, ve hemba Mbafiliti; TER na ve mhembe u vesen.

1 Kroniku 11:18

Tsô mba utar mbala tor hen atô u ikumutya i Mbafiliti za kese mngerem shin ijôr i Betelehem i i lu hen hunda la, ve va na Davidi; kpa Davidi kera rumun u man ma ga, a gema a haa ma inya sha ishigh ki TER,

Upasalmi 109:5

Ve orom iyev i kwaghdedoo sha ifer, man dooshima wam kpaa sha ihom.

Upasalmi 119:109

M kusun uma wam ken uwegh agh gbem, nahan kpaa atindiakaa a Ou hungul mo ga.

Upasalmi 25:3

Een, ve cii mba ve veren ashe We yô, vea va ahenge ga; mba ve eren akaa sha icugh sha ityôikaa ga yô, ka ve je vea va ahenge ye.

Upasalmi 69:4

Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Upasalmi 94:21

Ve zua sha u tan num sha uma u orperapera, ve na orishôôgh ibo.

Ekesodu 14:13

Kpa Mose kaa a ior er: De cie nen ga, tile nen her, nenge nen myem u TER Una yima ne nyian yô; er ne nengen Mbaigipiti nyian nahan, mayange né kera shi nenge a ve sha won ga,

Yeremia 26:15

kpa fa nen mimi je, aluer né wuam yô, né va a awambe a orishôôgh sha ityough yenegh kua sha gar ne, man sha mba ve tem ker; gadia mimi je, TER tindim her a ven er m̱ or akaa ne cii sha ato a en.

Mateu 27:24

Tsô er Pilatu nenge un kera fatyô ciôn kpaa ga, man er ayôôso kpaa lu hiin u taver yô, a tôô mngerem a ôô ave na sha ishigh ki ikpelaior, a kaa er: M ngu a ibo sha awambe a ishôôgh ne ga, mase shin kwagh wen.

Mateu 27:4

a kaa er: M er isholibo sha er m nenge mker sha awambe a or u ishôôgh yô. Kpa ve kaa er: Kwagh wase ngu sha mi hana? Mase shin kwagh wou tsô.

YOHANE 15:25

Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

Aerenakaa A Mbaapostoli 20:24

Kpa her a mo yô, m wa uma wam iko ga, ngum er ka ma kwagh u ikoogh ga, sha u me kure zende wam man tom u m ngohol hen Ter la kpaa, ka u me pase Loho u Dedoo u sha mhôônom ma Aôndo la.

Mbafilipi 2:30

gadia shi côhin ma a kpe sha ci u tom u Kristu, a gbihi uma na sha u ivin kwagh u a shi sha iwasen yen i ne wasem la.

Mbaheberu 2:3

nahan se sé war nana aluer sé kera wa myom u vesen ne iko ga yôô? Ka Ter A hii u pasen un ye, mba ve ungwa un la kpaa, ve va taver un hen vese.

Mbaajiriv 12:3

Er m nenge ne yimam ga yô, m ta uma wam kera, m per m za nôngo ityav a Mbaamon, TER kpaa na ve sha ikev yam; nahan ka nyi ne ve her a mo nyian ner né va nôngo ityav a mo?

Mbaajiriv 9:17

gadia terem nôngo ityav sha ci wen, a ta uma na kera, a yima ne sha ikev i Mbamidian;

1 Samuel 11:13

Kpa Saulu venda er: Á wua ma or sha iyange ne ga, gadia TER na myom ken Iserael nyian.

1 Samuel 14:45

Tsô ior pine Saulu er: Yonatan una kpe, un u a yem Iserael yum nee? Aôndo A̱ yange; er TER A lu u uma ne, gwarce na môm u sha ityou kpaa una gba inya ga; gadia a er tom a Aôndo imôngo nyian. Kape ior yima Yonatan sha u a̱ de kpe ga la.

1 Samuel 19:6

Nahan Saulu ver ato sha imo i Yonatan; Saulu bum kaa er: Er TER A lu u uma ne, á wua un je ga.

1 Samuel 20:32

Tsô Yonatan gema kaa a ter na Saulu er: Inja na nan man á wua unu? A er nyi?

1 Samuel 22:14

Tsô Ahimeleki gema kaa a tor er: Ka hanma wanye wou je nan kom u veren ishima sha a nan er Davidi nahana, u a lu wankem u tor, man orhemen u mbakurantor, u a lu a icivir hen ya wou kpaa?

1 Samuel 28:21

Nahan kwase la va hen Saulu va kav er kwagh nzughul un yum yô, a kaa a na er: Nenge, kpan wou u kwase ungwa kwaghôron wou, m wa uma wam iko ga, m ver ato sha kwaghôron u u erem yô.