1 Samuel 17:18 - ICIGHAN BIBILO

¹⁸ man za a uciishi pue mban, za na orhemen ve u a hemen ior dubu la, shi nenge mlu u anngôôv ou, yô, ngohol ikav her a ve.

1 Samuel 17:18 Iomraidhean Croise

Genese 37:13

Nahan Iserael kaa a Yosev er: Ka ken Shekem anngôôv ou ve yem a ilev u za nan mbi toho ye gaa? Yô, va m̱ tindi u her a ve. A rumun a na er: Een.

Genese 37:14

A gema a kaa a na er: Yô, za za nenge er anngôôv ou ve lu yô, kua ilev kpaa, hide va ôrom. Ka shin pev u Heberon a lu man a tindi un er a̱ za ye; nahan a va nyôr ken Shekem.

2 Samuel 17:29

man iyough man atumbabua a kôrough man iyôngo man ciishi u i er sha atumbabua yô, sha ci u Davidi kua ior mba ve lu a na imôngo mbala, er ve̱ ya; gadia ve kaa er: Ijen kôr ior mban, ve vôr, man imura kpaa kôr ve ken desereti.

Eseter 2:11

Hanma iyange kpaa Mordekai a due a tera hen tembe u iyou i ukase, sha u una fa er Eseter a lu yô, man er kwagh na una za yô.

Yobu 10:10

U haam er atumbabua, man U tam ijen er atumbabua a kôrough nahan gaa?

Ekesodu 18:7

Tsô Mose due za kegh ter na kem gbenda, a gure a suse un zwa, ve gba pinen mlu ve ayol a ve; tsô ve nyôr ken tenti.

Aerenakaa A Mbaapostoli 15:36

Ayange nga kar kpeghee yô, Paulu kaa a Barnaba er: Se yem nen, se za sôr nen anmgbianev ken hanma gar ape se vande ôron kwaghôron u Ter yô, se za nenge nen er ve lu yô.

Mbaajiriv 18:15

Tsô ve kaha heera, ve za ar hen ya u wanyekwaor, Orlevi la, ka ya u Mika je la, ve pine un er a lu yô.

1 Samuel 16:20

Tsô Yese kôr jaki, shi tôô bredi man ikpa i wain kua anivo, tindi Saulu a mi sha ikev i wan na Davidi.

1 Samuel 17:19

Saulu man ve kua ior mba Iserael cii, ve lu shin pev u Ela, ve lu nôngon ityav a Mbafiliti.

1 Samuel 25:5

Nahan Davidi tindi mbayev pue; Davidi kaa mbayev er: Za nen hen Karmel, nyôr nen hen Nabal, sugh nen un nam;

1 Samuel 30:21

Tsô Davidi va ar hen ior mba deri uhar mba ve vôr, ve fatyô u zan a Davidi ityô ga la, ve mba i undu ve hen uwagh u Besor la; ve due sha u za keghen Davidi kua ior nav mba ve lu a na la, gbenda; er Davidi va ar hen ior mbala yô, a sugh ve.