1 Samuel 17:12 - ICIGHAN BIBILO

¹² Davidi lu wan u or u Eferata, or u Betelehem u ken Yuda, u i yer iti na er Yese la; lu a ônov anigheni mba nomso; or la lu orbeenyol je sha ayange a Saulu la, tsa sha won ayange ngee.

1 Samuel 17:12 Iomraidhean Croise

Genese 35:19

Rahel maa kpe, i ii un hen gbenda u zan Eferata, ka Betelehem je la.

2 Samuel 23:1

Ka akaaôron a Davidi a masetyô ne: Davidi wan u Yese ngu ôron, or u i kende un sha la, ngu ôron, ka or u Aôndo u Yakob, u i shigh un mkurem, or u doon ishima ken atsam a Iserael je la.

Upasalmi 132:6

Nenge, se ungwa kwagh ne ken Eferata, se zua a mi ken ikôngough ki Yaar.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Mateu 1:6

Yese mar tor Davidi; Davidi mar Solomon a kwase u Uria la;

Mateu 2:1

Tsô er i mar Yesu ken Betelehem u ken tar u Yudia sha ayange a tor Herode yô, mbafankwagh due vegher u sha ityoughkitaregh la, va ken Yerusalem,

Mateu 2:6

We, Betelehem, tar u Yuda, mayange je u lu u gban ijime ken mbahemenev mba Yuda ga; gadia ka ken we je man Orhemen Una due, u Una kuran nongoior Wan Iserael ye.

Rutu 1:2

Iti i or la er Elimeleki man iti i kwase na er Naomi, man ati a ônov nav mba nomso mba uhar mbala yô, er, Malon man Kilion; ve lu ior i Eferata ken Betelehem u ken Yuda la. Ve va ken tar u Moabi, ve va tema ker.

Rutu 4:17

Kasev mba ve wa ndor a na, ve ii un iti, ve kaa er: I mar Naomi wannomso; ve ii un iti er Obedi; ka un a lu ter u Yese, ter u Davidi ye.

Rutu 4:22

Obedi mar Yese, Yese mar Davidi.

1 Samuel 1:1

Orgen lu ken Ramataim-sofim, u sha tar u iwoogh u Eferaim, iti na er Elkana, wan u Yeroham, wan u Elihu, wan u Tohu, wan u Sufi, or u Eferaim;

1 Samuel 16:1

Tsô TER kaa a Samuel er: Ka hanma shighe je ú de u zungwen Saulu er M vende un u teman tor sha Iseraele? Haa mkurem ken korough ough poo; yô, za, Me tindi u hen Yese or u Betelehem, gadia ka ken ônov nav M tsough tor Wam ye.

1 Samuel 16:18

Tsô wanyekwaor ugen gema kaa er: Nenge, m nenge wan u Yese, or u Betelehem, a fa ityougholov mbi kuhwan kpe kpe, ka ortavershima, orutya, or u fan kwaghôron, ka or u kuman ashe kpaa, TER kpaa ngu a na.

1 Samuel 17:11

Zum u Saulu kua Mbaiserael cii ve ungwa kwaghôron u Orfiliti la yô, cier ve iyol, ve cia kpishi.

1 Samuel 17:58

Saulu pine un er: We wanyekwaor ne, u ngu wan u ana? Davidi gema kaa er: Mo m ngu wan u wanye wou Yese, or u Betelehem.