1 Samuel 16:13 - ICIGHAN BIBILO

¹³ Tsô Samuel tôô korough ku mkure, a shighe un mkurem hen atô u anmgbianev nav; Jijingi u TER kpaa kende Davidi sha agee, hii sha iyange la je man ken hemen kpaa. Tsô Samuel mough, yem hen Rama.

1 Samuel 16:13 Iomraidhean Croise

2 Samuel 12:7

Tsô Natan gema kaa a Davidi er: Ka we je, u lu or shon ye! TER, Aôndo u Iserael, ngu kaan nahan er: Mo M shighe u mkurem u hingir tor u Iserael, Mo M yima u sha ikev i Saulu kpaa;

2 Samuel 2:4

Tsô ior mba Yuda va, va shighe Davidi mkurem heregh er a̱ lu tor sha ya u Yuda. Er ve kaa a Davidi er: Ka ior mba Yabeshi-gileadi, ve ii Saulu yô,

2 Samuel 23:1

Ka akaaôron a Davidi a masetyô ne: Davidi wan u Yese ngu ôron, or u i kende un sha la, ngu ôron, ka or u Aôndo u Yakob, u i shigh un mkurem, or u doon ishima ken atsam a Iserael je la.

2 Samuel 5:3

Nahan mbatamen mba Iserael cii va hen tor hen Heberon; tor Davidi ya ikur a ve hen Heberon sha ishigh ki TER; nahan ve shighe Davidi mkurem, ve ver un tor sha Iserael.

2 Utor 9:6

Nahan a mough a nyôr ken iyou; tsô a maa a haa un mkurem sha ityou, a kaa a na er: TER, Aôndo u Iserael, ngu kaan nahan er: M shighe u mkurem Mer, tema tor sha ior i TER, ka Iserael je la.

1 Kroniku 11:3

Tsô mbatamen mba Iserael cii ve va hen tor hen Heberon; Davidi ya ikur a ve hen Heberon sha ishigh ki TER; nahan ve shighe Davidi mkurem ve ver un tor sha Iserael, sha imo i TER i Samuel kaa la.

Upasalmi 89:20

M zua a wanakiriki Wam, Davidi, M shighe un icighanmkure Wam;

Upasalmi 89:21

uwegh Agh kua lu a na gbem, ikasewe Yam kpaa ia taver un.

Numeri 11:17

Me sen, Me va ôr kwagh a we her; Me pande jijingi u a lu ken a we, Me ver sha a ve, ve̱ tôô ior mba ve lu zegeuikya ne, a we imôngo, sha er ú kera tôô, we tswen ga yô.

Numeri 27:18

Tsô TER kaa a Mose er: Va a Yosua wan u Nun, or u Jijingi A lu ken a na la, penda uwegh sha a na,

YOHANE 3:34

Gadia Un u Aôndo A tindi Un la, ngu ôron akaaôron a Aôndo gadia Aôndo na Un Jijingi wuee je, kar a kar ga.

Aerenakaa A Mbaapostoli 13:22

Va dughun un kera yô, A kende Davidi sha er a̱ tema tor ve, A pase kwagh na er: M zua aa Davidi, wan u Yese, or u sha ishima Yam vough, u una er ishima Yam cii yô.

Mbaheberu 1:9

Perapera doo U ishima, U gema U nyagh mvende u vendan atindi la. We Aôndo, ka nahan man Aôndo Wou haa U mkurem ma iemberegh hemba mbakwav Wou ye.

Mbaheberu 11:32

Tsô me shi me kaa nana? Ian ia va yinam u me ôr kwagh u mba Gidion man Baraki man Samson man Yefeta man Davidi kua Samuel man uprofeti kpaa.

Mbaajiriv 11:29

Tsô Jijingi u TER sen tema sha Yefeta, nahan a kar her Gileadi man Manase, shi a za kar Misepa u Gileadi la, a per a za hen Mbaamon.

Mbaajiriv 13:25

Jijingi u TER hii u toron un ityô ken Mahanedan hen harga u Sora vea Esetaol.

Mbaajiriv 14:6

Tsô Jijingi u TER kende un sha agee, nahan a ande un er ka wanivo nahan, a lu a ma kwagh sha uwegh nagh ga; kpa a ôr ter na shin ngô na kwagh u un er la ga.

Mbaajiriv 3:10

Jijingi u TER sen sha a na, a tema orjir sha Iserael; a za ityav, TER na Kushan-rishataim, tor u Mesopotamia, sha ikev na; nahan a hemba Kushan-rishataim agee.

1 Samuel 1:19

Ve mough pepe pepe, ve gure sha ishigh ki TER, ve civir Un, tsô ve hide hen ya ve hen Rama; Elkana yav a kwase na Hana; TER umbur un.

1 Samuel 10:1

Tsô Samuel tôô gbermkure haa un sha ityou, suse un zwa, kaa er: TER kera shighe u mkurem er u̱ hingir tor sha dyako Na gaa?

1 Samuel 10:6

Jijingi u TER Una gba sha a we sha agee, ú gba ôron kwaghôron u profeti a ve imôngo, ú gema ú hingir kposo.

1 Samuel 11:6

Saulu ongo akaaôron la nahan yô, Jijingi u Aôndo kende un sha agee, ishima vihi un tsung.

1 Samuel 16:18

Tsô wanyekwaor ugen gema kaa er: Nenge, m nenge wan u Yese, or u Betelehem, a fa ityougholov mbi kuhwan kpe kpe, ka ortavershima, orutya, or u fan kwaghôron, ka or u kuman ashe kpaa, TER kpaa ngu a na.

1 Samuel 18:12

Nahan Saulu lu cian Davidi sha ci u TER lu a na, kpa A gema A undu Saulu.

1 Samuel 2:35

Yô, Mo Me ver pristi ugen u a kom u veren ishima sha a na, u una er kwagh sha mhen Wam kua sha ishima Yam kpaa yô. Me maa un ya u lun gbem; una zenden sha ishigh ki or wam u i shigh un mkurem la, gbem.